دارتمۋت كوللەدجى مەن ۇلتتىق ەكونوميكالىق زەرتتەۋلەر بيۋروسىنىڭ (اقش) عالىمدارى ادام ومىرىندەگى ەڭ باقىتسىز كەزەڭ قاي جاستا بولاتىنىن انىقتادى. زەرتتەۋ ماتەريالى بار قۇجات بيۋرو سايتىندا ورنالاستىرىلعان.
ماماندار 132 ەلدىڭ دەرەكتەرىن زەرتتەپ كورەدى. ءارتۇرلى جاستاعى ادامداردان ءوز ومىرىنە قانشالىقتى قاناعاتتاناتىنىن سۇرايدى. ناتيجەسىندە، ادام ومىرىندەگى ەڭ باقىتتى كەزەڭ 18-20 جاس ەكەندىگى بەلگىلى بولىپ، سودان كەيىن جاعداي ناشارلاپ، شامامەن 47-48 جاستا ۋشىعا تۇسەتىنىن انىقتايدى. دامىعان ەلدەردىڭ تۇرعىندارىندا داعدارىس 47 جاستا، دامۋشى ەلدەردە – 48 جاستا، ال رەسەيدە، قىتايدا جانە مەكسيكادا – 43 جاستا باستالاتىنى كورسەتىلگەن. بۇل جاعداي 60 جاسقا دەيىن سوزىلىپ، سودان كەيىن كوتەرىلۋ باستالادى جانە 70 جاسىندا ادامدار ءومىردى قيماي، ءلاززات الا باستايدى.
زەرتتەۋشىلەر بۇل سىرتقى فاكتورلارعا ەمەس، اعزاداعى بيوحيميالىق پروتسەستەرگە جانە گورمونداردىڭ دەڭگەيىنە بايلانىستى ەكەنىن اتاپ وتكەن.
فوتو اشىق دەرەككوزدەن الىندى
«ادىرنا» ۇلتتىق پورتالى
