Dartmýt kolledji men Ulttyq Ekonomıkalyq zertteýler bıýrosynyń (AQSh) ǵalymdary adam ómirindegi eń baqytsyz kezeń qaı jasta bolatynyn anyqtady. Zertteý materıaly bar qujat bıýro saıtynda ornalastyrylǵan.
Mamandar 132 eldiń derekterin zerttep kóredi. Ártúrli jastaǵy adamdardan óz ómirine qanshalyqty qanaǵattanatynyn suraıdy. Nátıjesinde, adam ómirindegi eń baqytty kezeń 18-20 jas ekendigi belgili bolyp, sodan keıin jaǵdaı nasharlap, shamamen 47-48 jasta ýshyǵa túsetinin anyqtaıdy. Damyǵan elderdiń turǵyndarynda daǵdarys 47 jasta, damýshy elderde – 48 jasta, al Reseıde, Qytaıda jáne Meksıkada – 43 jasta bastalatyny kórsetilgen. Bul jaǵdaı 60 jasqa deıin sozylyp, sodan keıin kóterilý bastalady jáne 70 jasynda adamdar ómirdi qımaı, lázzat ala bastaıdy.
Zertteýshiler bul syrtqy faktorlarǵa emes, aǵzadaǵy bıohımııalyq proesterge jáne gormondardyń deńgeıine baılanysty ekenin atap ótken.
Foto ashyq derekkózden alyndy
«Adyrna» ulttyq portaly
