وبلىس اكىمى گۇلشارا ابدىقالىقوۆاعا «حاننىڭ قىزىسىڭ با؟» دەگەن جاڭاقورعاندىق بەلسەندى ساندۋعاش تۇرلىبەكوۆانىڭ ۆيدەوسىن ەل ءالى ۇمىتا قويعان جوق. الەۋمەتتىك جەلىنى شۋلاتقان جاڭاقورعاندىق بەلسەندىنىڭ بۇل ۆيدەوسى اۋدان اكىمى سۇلتان ماقاشوۆقا ابىروي بەرمەگەنگە ۇقسايدى. اقىرى اۋدان اكىمى سۇلتان ماقاشوۆ قىزمەتىنەن كەتىپ تىندى.
جاڭاقورعان اۋدانىنا جاڭا اكىم كەلدى. ونى ايماق باسشىسى گۇلشارا ابدىقالىقوۆا جۇرتشىلىققا تانىستىرىپ، قىزمەتىنە ساتتىلىك تىلەدى.
ءسويتىپ، وبلىس اكىمىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگى مەن جاڭاقورعان اۋداندىق ءماسليحاتىنىڭ كەلىسىمى بويىنشا جاڭاقورعان اۋدانىنىڭ اكىمى لاۋازىمىنا رۇستەموۆ رۋسلان رۇستەمۇلى (سۋرەتتە) تاعايىندالدى.
ەسكەرتە كەتەيىك، رۋسلان رۇستەموۆتىڭ ەسىمى وبلىس، اۋدان جۇرتشىلىعىنا جەتە تانىس. بىرنەشە جىل بۇرىن جاڭاقورعان اۋدانىن باسقارعان.
ول ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ فيلولوگيا فاكۋلتەتىن بىتىرگەن بىتىرگەن.
ەڭبەك جولىن قىزىلوردا پەداگوگيكالىق ينستيتۋتىنىڭ قازاق ادەبيەتى كافەدراسىنىڭ وقىتۋشىسى رەتىندە باستاعان. 1997-2002 جىلدارى – قىزىلوردا قالاسى اكىمىنىڭ اپپاراتىندا مامان، كونسۋلتانت، قىزىلوردا قالاسى اكىمىنىڭ ءباسپاسوز حاتشىسى، قىزىلوردا قالالىق مادەنيەت ءبولىمىنىڭ مەڭگەرۋشىسى، قىزىلوردا قالاسى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ مەڭگەرۋشىسى. 2002-2010 جىلدارى – قىزىلوردا وبلىسىنىڭ مادەنيەت باسقارماسى باستىعىنىڭ ورىنباسارى، قىزىلوردا وبلىسى اكىمى اپپاراتىنىڭ الەۋمەتتىك - ساياسي ءبولىمىنىڭ مەڭگەرۋشىسى، شيەلى اۋدانى اكىمى اپپاراتىنىڭ باسشىسى، شيەلى اۋدانى اكىمىنىڭ ورىنباسارى. 2010 - 2019 جىلدارى قىزىلوردا وبلىسىنىڭ تىلدەردى دامىتۋ باسقارماسىنىڭ باسشىسى، ەكى مارتە قىزىلوردا وبلىستىق ىشكى ساياسات باسقارماسىن باسقارعان، قىزىلوردا قالاسى اكىمىنىڭ ورىنباسارى، جاڭاقورعان اۋدانىنىڭ اكىمى، قىزىلوردا وبلىسى اكىمىنىڭ ورىنباسارى بولعان.
2019 جىلدىڭ تامىز ايىنان باستاپ وسى كەزگە دەيىن سىرداريا اۋدانىنىڭ اكىمى لاۋازىمىندا قىزمەت اتقارىپ كەلدى.
ەركىن قالدان،
«ادىرنا» ۇلتتىق پورتالى
