قالا اكىمى مۇرات ايتەنوۆتىڭ توراعالىعىمەن «شىمكەنت قالاسىنىڭ دامۋ باعدارلاماسى» اياسىندا جوبالىق كەڭسەنىڭ باسقارۋشى كەڭەس وتىرىسى ءوتتى. جيىننىڭ كۇن تارتىبىندە جوبالىق رولدەردى جانە باسشىلاردىڭ جەكە جاۋاپكەرشىلىگى مەن «Easy Project» كروسس-پلاتفورماسىنىڭ KPI اقپاراتتىق-تاقتاسىندا كورسەتكىشتەر مەن جوبالاردى جاڭارتۋ جانە تولىقتىرۋ جۇمىستارىنىڭ ۋاقىتىلى ءارى ساپالى ورىندالۋى، جوبالاردى جۇزەگە اسىرۋ سىندى ماسەلەلەر قارالدى.
ايتا كەتەيىك، اعىمداعى جىلدىڭ اقپانىندا شىمكەنت قالاسىندا الەۋمەتتىك-ەكونوميكالىق كورسەتكىشتەرگە قول جەتكىزۋ ماقساتىندا باسقارۋ جۇيەسىن وڭتايلاندىرۋعا ارنالعان جوبالىق كەڭسە قۇرىلعان بولاتىن. بۇل جۇمىستار مەملەكەت باسشىسىنىڭ جىل سوڭىنا دەيىن ەكونوميكالىق ءوسىمدى قالپىنا كەلتىرۋ تاپسىرماسى اياسىندا جۇزەگە اسىرىلىپ وتىر.
قالا باسشىسى اتالعان جوبالىق كەڭسە ونلاين-فورماتتاعى جوسپارلى جانە ناقتى كورسەتكىشتەردى سالىستىرۋ جانە ءاربىر جوبانىڭ ولارعا قول جەتكىزۋگە قوسقان ۇلەسىن باعالاۋ مۇمكىندىگىمەن (easy Project جوبالارىن باسقارۋدىڭ اقپاراتتىق جۇيەسىن Microsoft Power BI تالداۋ پلاتفورماسىمەن ينتەگراتسيالاۋ نەگىزىندە), نەگىزگى كورسەتكىشتەر مونيتورينگىن (KPI) اۆتوماتتاندىرۋدى قامتاماسىز ەتۋگە مۇمكىندىك بەرەتىن قۇرال ازىرلەنگەنىن اتاپ ءوتتى.
-مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا مەملەكەتتىك باسقارۋداعى رەفورمانىڭ وڭتايلى شەشىمىن ايتتى. پرەزيدەنت ءبىرىنشى ورىنعا مەملەكەتتىك باسقارۋ، كادر ساياساتى، شەشىم قابىلداۋ جۇيەسى جانە ولاردىڭ ورىندالۋى ءۇشىن جاۋاپكەرشىلىك تاسىلدەرىن وزگەرتۋ مىندەتىن قويدى. اكىمدىك جۇمىسىن جوبالىق باسقارۋ ادىستەرىمەن جۇرگىزۋگە، ىسكە اسىرۋعا بارىنشا مۇمكىندىك بەرۋدە. ال، ءبىز جاڭا باسقارۋ جۇيەسىن ەنگىزۋدىڭ دايىندىق كەزەڭىن اياقتادىق. اكىمدىك باسقارمالارىنىڭ باسشىلارى مەن نەگىزگى قىزمەتكەرلەرى اقپاراتتىق جۇيەدە جۇمىس ىستەۋگە ۇيرەتىلگەن جانە پراكتيكالىق داعدىلارعا يە، -دەدى م.ايتەنوۆ.
سونىمەن قاتار، قالا باسشىسى ورىنباسارلارىنا اپتا سايىن، باسقارما باسشىلارىمەن بىرگە KPI-مونيتوردى قاداعالاۋ جانە جوسپارلى كورسەتكىشتەردىڭ ورىندالماۋ قاۋپى بار باسقارمالارمەن جۇمىس ىستەۋ، ناقتى جوبالارداعى پروبلەمالاردى انىقتاۋ جانە ولاردى شەشۋگە كومەك كورسەتۋگە تاپسىرما بەردى.
-كەشە پرەزيدەنت ناتيجە پروتسەستەن گورى ماڭىزدى بولۋى كەرەك ەكەنىن اتاپ ءوتتى. بىزگە جوبالار ءۇشىن جوبالار قاجەت ەمەس. بىزگە ناتيجەلەر كەرەك. سوندىقتان، جوبالىق كەڭسەنىڭ باسشىسى اسقار سۇلەيمەنوۆكە - باسقارۋشى كەڭەستىڭ ءاربىر وتىرىسىنا جوسپارلى كورسەتكىشتەردىڭ ناقتى ورىندالۋى تۇرعىسىنان ەڭ ۇزدىك ءۇش جانە ەڭ ناشار ءۇش باسقارمانىڭ ءتىزىمىن بەرۋدى تاپسىرامىن. تيىسىنشە، ەڭ ناشار باسقارما باسشىلارىنا قاتىستى شارالار قابىلداناتىن بولادى،- دەدى قالا اكىمى.
