Qala ákimi Murat Áıtenovtiń tóraǵalyǵymen «Shymkent qalasynyń damý baǵdarlamasy» aıasynda Jobalyq Keńseniń Basqarýshy Keńes otyrysy ótti. Jıynnyń kún tártibinde jobalyq rólderdi jáne basshylardyń jeke jaýapkershiligi men «Easy Project» kross-platformasynyń KPI aqparattyq-taqtasynda kórsetkishter men jobalardy jańartý jáne tolyqtyrý jumystarynyń ýaqytyly ári sapaly oryndalýy, jobalardy júzege asyrý syndy máseleler qaraldy.
Aıta keteıik, aǵymdaǵy jyldyń aqpanynda Shymkent qalasynda áleýmettik-ekonomıkalyq kórsetkishterge qol jetkizý maqsatynda basqarý júıesin ońtaılandyrýǵa arnalǵan jobalyq keńse qurylǵan bolatyn. Bul jumystar Memleket basshysynyń jyl sońyna deıin ekonomıkalyq ósimdi qalpyna keltirý tapsyrmasy aıasynda júzege asyrylyp otyr.
Qala basshysy atalǵan jobalyq keńse onlaın-formattaǵy josparly jáne naqty kórsetkishterdi salystyrý jáne árbir jobanyń olarǵa qol jetkizýge qosqan úlesin baǵalaý múmkindigimen (easy Project jobalaryn basqarýdyń aqparattyq júıesin Microsoft Power BI taldaý platformasymen ıntegraııalaý negizinde), negizgi kórsetkishter monıtorıngin (KPI) avtomattandyrýdy qamtamasyz etýge múmkindik beretin qural ázirlengenin atap ótti.
-Memleket Basshysy Qasym-Jomart Toqaev Qazaqstan halqyna arnaǵan Joldaýynda memlekettik basqarýdaǵy reformanyń ońtaıly sheshimin aıtty. Prezıdent birinshi orynǵa memlekettik basqarý, kadr saıasaty, sheshim qabyldaý júıesi jáne olardyń oryndalýy úshin jaýapkershilik tásilderin ózgertý mindetin qoıdy. Ákimdik jumysyn jobalyq basqarý ádisterimen júrgizýge, iske asyrýǵa barynsha múmkindik berýde. Al, biz jańa basqarý júıesin engizýdiń daıyndyq kezeńin aıaqtadyq. Ákimdik basqarmalarynyń basshylary men negizgi qyzmetkerleri aqparattyq júıede jumys isteýge úıretilgen jáne praktıkalyq daǵdylarǵa ıe, -dedi M.Áıtenov.
Sonymen qatar, qala basshysy orynbasarlaryna apta saıyn, basqarma basshylarymen birge KPI-monıtordy qadaǵalaý jáne josparly kórsetkishterdiń oryndalmaý qaýpi bar basqarmalarmen jumys isteý, naqty jobalardaǵy problemalardy anyqtaý jáne olardy sheshýge kómek kórsetýge tapsyrma berdi.
-Keshe Prezıdent nátıje proesten góri mańyzdy bolýy kerek ekenin atap ótti. Bizge jobalar úshin jobalar qajet emes. Bizge nátıjeler kerek. Sondyqtan, jobalyq keńseniń basshysy Asqar Súleımenovke - Basqarýshy keńestiń árbir otyrysyna josparly kórsetkishterdiń naqty oryndalýy turǵysynan eń úzdik úsh jáne eń nashar úsh basqarmanyń tizimin berýdi tapsyramyn. Tıisinshe, eń nashar basqarma basshylaryna qatysty sharalar qabyldanatyn bolady,- dedi qala ákimi.
