قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى الي شپەكباەۆ فەيسبۋكتە پرەزيدەنتتىڭ سىبايلاس جەمقورلىققا قارسى رەفورمالارىنىڭ ماڭىزدىلىعىنا توقتالدى دەپ حابارلايدى، «ادىرنا» ۇلتتىق پورتالى.
ءبىرىنشى – سىبايلاس جەمقورلىق ءۇشىن جاۋاپكەرشىلىكتى كۇشەيتۋ. ەڭ الدىمەن، بۇل قۇقىق قورعاۋ ورگاندارىنىڭ قىزمەتكەرلەرى مەن سۋديالارعا قاتىستى. پارا بەرۋشىلەر مەن دەلدالدار ءۇشىن جازانى قاتاڭداتۋ ماسەلەسى پىسىقتالالادى. سوتتالعان سىبايلاس جەمقورلارعا قاتىستى قىب-نىڭ كۇشىن جويۋ ەڭ كۇشتى پروفيلاكتيكالىق اسەرگە يە بولادى.
"وسىنىڭ جالعاسى رەتىندە ءبىز اسا اۋىر سىبايلاس جەمقورلىق قىلمىستارى ءۇشىن ۇلعايتىلعان ايىپپۇلداردى قولدانۋدى جانە كولونيا-قونىستاردا سىبايلاس جەمقورلىق ءۇشىن جازا تاعايىنداۋدى قايتا قاراۋدى قولدايمىز", - دەدى ول.
ەكىنشى – 2021 جىلدان باستاپ مەملەكەتتىك قىزمەتكەرلەر، دەپۋتاتتار مەن سۋديالار ءۇشىن شەتەلدە بانك شوتتارىن يەلەنۋگە تىيىم سالۋدى ەنگىزۋ.
"بۇل باستاما ەل مۇددەسى ءۇشىن قىزمەت ەتۋ تۇرعىسىنان عانا ەمەس، سىبايلاس جەمقورلىق كاپيتالىن شىعارۋ مۇمكىندىكتەرىن نيۆەليرلەۋ ءۇشىن ماڭىزدى", - دەدى شپەكباەۆ.
ءۇشىنشى – قوعامدىق باقىلاۋ تۋرالى زاڭنىڭ قابىلدانۋى. وندا كەڭ اۋقىمدى ماسەلەلەر بويىنشا قوعامشىلداردىڭ مەملەكەتتىك ورگاندارمەن ءوزارا ءىس-قيمىلىنىڭ ناقتى تەتىكتەرى كورىنىس تابادى.
قازىر سەناتتا كۆازيمەملەكەتتىك جانە جەكە سەكتورلاردا كومپلاەنس-قىزمەتتەر قۇرۋ; ساتىپ الۋ مەن جوبالىق قارجىلاندىرۋعا جاۋاپتى ۇلتتىق كومپانيالاردىڭ قىزمەتكەرلەرى ەسەبىنەن سىبايلاس جەمقورلىق سۋبەكتىلەرىن كەڭەيتۋ; مەملەكەتتىك قىزمەتكەرلەرگە سىيلىق بەرۋگە جانە سىيلىقتار الۋعا تولىق تىيىم سالۋ; قۇقىق قورعاۋ ورگاندارى قىزمەتكەرلەرىنىڭ قىلمىستاردى ورشىتكەنى ءۇشىن قىلمىستىق جاۋاپكەرشىلىك بەلگىلەۋ; سىبايلاس جەمقورلىققا قارسى ءىس-قيمىل بويىنشا شارالار قولدانباعانى ءۇشىن كۆازيمەملەكەتتىك سەكتور باسشىلارىنا اكىمشىلىك جاۋاپكەرشىلىك ەنگىزۋ سياقتى شارالار قارالۋدا.
سونداي-اق، كۇن تارتىبىندە مەملەكەتتىك قىزمەتكەر بولىپ تابىلمايتىن، بىراق جاريا فۋنكتسيالاردى ورىندايتىن ادامدارعا سىبايلاس جەمقورلىققا قارسى زاڭنامانىڭ قولدانىلۋىن تاراتۋ ماسەلەسى دە بار. "ياعني، ءبىز پارا الۋ جانە كەرى قايتارۋ ءۇشىن كوممەرتسيالىق بانكتەردىڭ توپ-مەنەدجەرلەرى، تابيعي مونوپوليالار سۋبەكتىلەرىنىڭ باسشىلارى، جەكە سوت ورىنداۋشىلارى جانە باسقا دا ساناتتاعى قىزمەتكەرلەر مەملەكەتتىك قىزمەتكەرلەر سياقتى قىلمىستىق جاۋاپكەرشىلىككە تارتىلۋىن ۇسىنامىز", - دەدى قر سىبايلاس جەمقورلىققا قارسى ءىس-قيمىل اگەنتتىگىنىڭ باسشىسى.
«ادىرنا» ۇلتتىق پورتالى
