الماتى قالاسىندا الەۋمەتتىك جەلىدە پوليتسيا قىزمەتكەرلەرىنىڭ موتوتسيكل جۇرگىزۋشىلەرىن قۋعان ءساتى تۇسىرىلگەن ۆيدەو تارادى، دەپ حابارلايدى "ادىرنا" ۇلتتىق پورتالى.
كادرلاردان بىرنەشە جۇرگىزۋشىنىڭ پاترۋلدىك پوليتسيانىڭ توقتاۋ تۋرالى تالابىن ەلەمەي، قالانىڭ كوشەلەرىمەن جوعارى جىلدامدىقپەن قاشىپ بارا جاتقانى بايقالادى. جەلى قولدانۋشىلارىنىڭ پىكىرىنشە، ۆيدەوداعى جۇرگىزۋشىلەر موپەد ەمەس، جولسىز جەردە جۇرۋگە ارنالعان موتوتسيكل ايداپ جۇرگەن بولۋى مۇمكىن
وقيعاعا قاتىستى الماتى قالالىق پوليتسيا دەپارتامەنتى تۇسىنىكتەمە بەردى. ۆەدومستۆو مالىمەتىنشە، قازىرگى ۋاقىتتا اتالعان جۇرگىزۋشىلەر انىقتالماعان، ولاردى ىزدەستىرۋ جۇمىستارى جۇرگىزىلىپ جاتىر.
پوليتسيا وكىلدەرى قۇقىق بۇزۋشىلار تابىلعاننان كەيىن قازاقستان رەسپۋبليكاسىنىڭ زاڭناماسىنا سايكەس ءتيىستى شارالار قابىلداناتىنىن حابارلادى.
