QR Sybaılas jemqorlyqqa qarsy is-qımyl agenttiginiń Tóraǵasy Alı Shpekbaev feısbýkte Prezıdenttiń sybaılas jemqorlyqqa qarsy reformalarynyń mańyzdylyǵyna toqtaldy dep habarlaıdy, «Adyrna» ulttyq portaly.
Birinshi – sybaılas jemqorlyq úshin jaýapkershilikti kúsheıtý. Eń aldymen, bul quqyq qorǵaý organdarynyń qyzmetkerleri men sýdıalarǵa qatysty. Para berýshiler men deldaldar úshin jazany qatańdatý máselesi pysyqtalalady. Sottalǵan sybaılas jemqorlarǵa qatysty QIB-nyń kúshin joıý eń kúshti profılaktıkalyq áserge ıe bolady.
"Osynyń jalǵasy retinde biz asa aýyr sybaılas jemqorlyq qylmystary úshin ulǵaıtylǵan aıyppuldardy qoldanýdy jáne kolonııa-qonystarda sybaılas jemqorlyq úshin jaza taǵaıyndaýdy qaıta qaraýdy qoldaımyz", - dedi ol.
Ekinshi – 2021 jyldan bastap memlekettik qyzmetkerler, depýtattar men sýdıalar úshin shetelde bank shottaryn ıelenýge tyıym salýdy engizý.
"Bul bastama el múddesi úshin qyzmet etý turǵysynan ǵana emes, sybaılas jemqorlyq kapıtalyn shyǵarý múmkindikterin nıvelırleý úshin mańyzdy", - dedi Shpekbaev.
Úshinshi – qoǵamdyq baqylaý týraly Zańnyń qabyldanýy. Onda keń aýqymdy máseleler boıynsha qoǵamshyldardyń memlekettik organdarmen ózara is-qımylynyń naqty tetikteri kórinis tabady.
Qazir Senatta kvazımemlekettik jáne jeke sektorlarda komplaens-qyzmetter qurý; satyp alý men jobalyq qarjylandyrýǵa jaýapty ulttyq kompanııalardyń qyzmetkerleri esebinen sybaılas jemqorlyq sýbektilerin keńeıtý; memlekettik qyzmetkerlerge syılyq berýge jáne syılyqtar alýǵa tolyq tyıym salý; quqyq qorǵaý organdary qyzmetkerleriniń qylmystardy órshitkeni úshin qylmystyq jaýapkershilik belgileý; sybaılas jemqorlyqqa qarsy is-qımyl boıynsha sharalar qoldanbaǵany úshin kvazımemlekettik sektor basshylaryna ákimshilik jaýapkershilik engizý sııaqty sharalar qaralýda.
Sondaı-aq, kún tártibinde memlekettik qyzmetker bolyp tabylmaıtyn, biraq jarııa fýnkııalardy oryndaıtyn adamdarǵa sybaılas jemqorlyqqa qarsy zańnamanyń qoldanylýyn taratý máselesi de bar. "Iaǵnı, biz para alý jáne keri qaıtarý úshin kommerııalyq bankterdiń top-menedjerleri, tabıǵı monopolııalar sýbektileriniń basshylary, jeke sot oryndaýshylary jáne basqa da sanattaǵy qyzmetkerler memlekettik qyzmetkerler sııaqty qylmystyq jaýapkershilikke tartylýyn usynamyz", - dedi QR Sybaılas jemqorlyqqa qarsy is-qımyl agenttiginiń basshysy.
«Adyrna» ulttyq portaly
