قوي باعىپ جۇرگەن ەكس-پرەزيدەنت كىم؟

6494
Adyrna.kz Telegram

يراننىڭ ەكس-پرەزيدەنتى ماحمۋد احمادينەجاد حالىقتىڭ ەسىندە ەرەكشە كوشباسشى رەتىندە قالدى. ساياساتكەر 2005-2013 جىلدار ارالىعىندا ەل بيلەدى. ول حالىققا جاقىن بولۋعا، تۇرعىنداردىڭ قاجەتتىلىكتەرى مەن تالاپتارىن تۇسىنۋگە تىرىستى.

جۇمىسقا اۆتوبۋسپەن باراتىن پرەزيدەنت

ماحمۋد احمادينەجاد - وتە قاراپايىم ادام. باسشى جۇمىسقا اۆتوبۋسپەن بارىپ، كەز كەلگەن ادام سياقتى جول اقىسىن تولەيتىن ەدى. ول ەل باسقارعان شاقتا جۇبايى كوپتەگەن قاراپايىم ايەلدەر سەكىلدى ءبىلىم بەرۋ مەكەمەلەرىنىڭ بىرىندە ەدەن جۋشى بولىپ جۇمىس ىستەگەن.

«حالىقتىڭ قۇلىمىن»

بىردە امەريكاندىق جۋرناليست پرەزيدەنتتەن «ايناداعى بەينەڭىزدەن كىمدى كورەسىز؟»-دەپ سۇراعان. سوندا ماحمۋد «ايناداعى بەينەمە ۇنەمى «حالىقتىڭ قۇلى ەكەنىڭىزدى ۇمىتپاڭىز» دەپ ايتامىن»،- دەپ جاۋاپ بەرىپتى.

راسىمەن دە، احمادينەجاد بۇل ۇستانىمدى بەرىك ۇستاندى. باسشى قىزمەتكە كىرىسكەن العاشقى كۇننەن باستاپ ەل تۇرعىندارىن تاڭعالدىرۋمەن بولدى. ول ەڭ الدىمەن جۇمىس بولمەسىندەگى بارلىق قىمبات پارسى كىلەمدەرىن مەشىتكە بەرۋدى بۇيىرىپ، ءوزى كادىمگى ارزان توسەنىشتەردى توسەۋگە شەشىم قابىلدادى.

«جاستارعا جول بەرۋ كەرەك»

م.احمادينەجاد ەل بيلەگەن شاقتا پروفەسسورلاردى ەرتە زەينەتكە شىعاردى. بيلىكتىڭ تۇسىندىرمەسى بويىنشا، بۇل جاستارعا جول بەرۋ ءۇشىن جاسالعان.

قوي باعىپ جۇرگەن ەكس-پرەزيدەنت

ماحمۋد احمادينەجادتىڭ 1977 جىلعى ەسكى Peugeot كولىگى مەن اكەسىنەن قالعان شاعىن ءۇيى عانا بار. باسشى باسقا شەنەۋنىكتەردى دە باقىلاۋدا ۇستاۋدى ءجون كوردى. ەكس-پرەزيدەنتتىڭ باسشىلىعىمەن مينيستر قىزمەتىنە كىرىسكەندەردىڭ بارلىعى «بايىمايمىن» دەگەن قاعازعا قول قويدى. سونداي-اق، ولاردىڭ تۋىستارىنىڭ ەسەپشوتتارى دا مۇقيات تەكسەرىلىپ وتىردى. 2013 جىلى وتستاۆكاعا كەتكەننەن كەيىن، ماحمۋد اقشا ءۇشىن ەمەس، حالىقتىڭ يگىلىگى ءۇشىن جۇمىس ىستەدىم دەپ پرەزيدەنتتىڭ ارنايى زەينەتاقىسىنان باس تارتتى. قازىرگى تاڭدا ول ۋنيۆەرسيتەتتە ءدارىس وقىپ، جالاقىسىنا ءومىر سۇرۋدە. بوس ۋاقىتىندا قوي باعادى.

 

 

ديانا اسان،

«ادىرنا» ۇلتتىق پورتالى

پىكىرلەر