ۋكراينانىڭ قاۋىپسىزدىك قىزمەتى (SBU) 20 ادام قاتىناسقان B2B Jewelry قارجى پيراميداسىنىڭ الاياقتىق ارەكەتتەرىن ايگىلەدى. قىلمىسكەرلەر 600 000-نان استام سالىمشىدان 250 ميلليون دوللار جىمقىرىپ ۇلگەرگەن، دەپ حابارلايدى "ادىرنا" ۇلتتىق پورتالى LIGA.net. اگەنتتىگىنە سىلتەمە جاساپ.
بارلاۋ قىزمەتىنىڭ مالىمەتىنشە، 2019 جىلدان باستاپ «پيراميدانى» ۇيىمداستىرۋشىلار وندا ورنالاسقان جىلجىمايتىن مۇلىگى بار دنەپر وزەنىنىڭ باسسەينىندەگى ارالداردىڭ ءبىرىن، قۇنى ارقايسىسى 100 مىڭ دوللاردان اساتىن 18 ەليتالىق جول تالعامايتىن كولىك، سونداي-اق زەرگەرلىك بۇيىمدار مەن ءارتۇرلى جىلجىمايتىن مۇلىك ساتىپ العان.
27 تامىزدا ءتارتىپ ساقشىلارى كيەۆ، ۆيننيتسا وبلىستارى مەن ودەسسادا 48 ىزدەۋ جۇمىستارىن جۇرگىزدى. سوت الاياقتاردىڭ مۇلىكتىك اكتيۆتەرىن: بانكتىك شوتتاردى، جىلجىمايتىن مۇلىكتەردى، سونىمەن قاتار 100-دەن استام زاڭدى تۇلعالارعا تىركەلگەن مۇلىكتەردى دە تاركىلەدى.
B2B Jewelry رەسمي تۇردە قاراپايىم زەرگەرلىك دۇكەن سياقتى جۇمىس ىستەگەن. كومپانيا ۋكراينانىڭ بارلىق ءىرى قالالارىندا، سونداي-اق رەسەي مەن قازاقستاندا (نۇر-سۇلتان) 100-گە جۋىق دۇكەن اشقان.
دۇكەندەر شىنايى زەرگەرلىك بۇيىمدار ساتۋمەن اينالىسقان. ءسىز قاراپايىم دۇكەندەگىدەي جاي عانا ولاردى ساتىپ الىپ كەتە الاسىز. بىراق ولار سىزگە ۋاقىت وتە كەلە بانكتىك كارتاعا تولەنگەن سومانىڭ 104 پايىزىن قايتارىپ الۋعا ۋادە بەرەدى. ونىڭ ۇستىنە، ەگەر ءسىز تاعى باسقا زات ساتىپ الساڭىز، كەشبەك وسە بەرەدى.
بىراق ول كىرىستەردى التىنمەن ەمەس، سەرتيفيكاتتارمەن الۋ عانا مۇمكىن بولعان. سەبەبى كىرىس جىلىنا 400 پايىزعا دەيىن ارتادى ەكەن. تابىستى اپتا سايىن تولەپ وتىرعان. سالىمشىلاردىڭ كوپشىلىگى زەينەتكەرلەر بولعاندىقتان بۇل سالىمشىلاردى قىزىقتىرىپ وتىرۋ ءۇشىن ءتيىمدى بولدى.
سەرتيفيكاتتاردى تەك «كلۋب مۇشەسىنىڭ» ۇسىنىسى بويىنشا ساتىپ الۋعا بولادى. ول ءاربىر جاڭا كليەنت ءۇشىن اقشا الىپ وتىرعان. ياعني، كەزىندەگى ممم سياقتى كلاسسيكالىق پيراميدا سالىنا باستاعان.
الايدا، MMM-دەن ايىرماشىلىعى، بارلىق سەرتيفيكاتتار التىن بۇيىمدارمەن قامتاماسىز ەتىلگەن (ولاردى كەز-كەلگەن ۋاقىتتا زەرگەرلىك بۇيىمدارعا ايىرباستاۋعا بولادى) جانە مۇنداي جوعارى پايىزدىق كورسەتكىشتەر بيزنەستىڭ ىلگەرىلەۋىنە جول بەرەدى-ءمىس. بۇل ادامداردىڭ اشۋىن باقىلاۋدا ۇستاپ، ولاردىڭ سەنىمىن ۇستاپ تۇرۋعا سەپتىگىن تيگىزگەن.
B2B Jewelry پيراميداسىنىڭ نەگىزىن قالاۋشى - ۆيننيتسا ماڭىنداعى لادىجين شاعىن قالاسىنان شىققان زەرگەر جانە “شارم” زەرگەرلىك فابريكاسىنىڭ نەگىزىن قالاۋشى نيكولاي گونتا. 2019 جىلى كاسىپكەر جەرگىلىكتى باسىلىمداردىڭ بىرىنە بەرگەن سۇحباتىندا الەمنىڭ 30 ەلىندە دۇكەندەر جەلىسىن اشۋدى جوسپارلاپ وتىرعانىن مالىمدەگەن.
