Ýkraınanyń qaýipsizdik qyzmeti (SBU) 20 adam qatynasqan B2B Jewelry qarjy pıramıdasynyń alaıaqtyq áreketterin áıgiledi. Qylmyskerler 600 000-nan astam salymshydan 250 mıllıon dollar jymqyryp úlgergen, dep habarlaıdy "Adyrna" ulttyq portaly LIGA.net. agenttigine silteme jasap.
Barlaý qyzmetiniń málimetinshe, 2019 jyldan bastap «pıramıdany» uıymdastyrýshylar onda ornalasqan jyljymaıtyn múligi bar Dnepr ózeniniń basseınindegi araldardyń birin, quny árqaısysy 100 myń dollardan asatyn 18 elıtalyq jol talǵamaıtyn kólik, sondaı-aq zergerlik buıymdar men ártúrli jyljymaıtyn múlik satyp alǵan.
27 tamyzda tártip saqshylary Kıev, Vınnıa oblystary men Odessada 48 izdeý jumystaryn júrgizdi. Sot alaıaqtardyń múliktik aktıvterin: banktik shottardy, jyljymaıtyn múlikterdi, sonymen qatar 100-den astam zańdy tulǵalarǵa tirkelgen múlikterdi de tárkiledi.
B2B Jewelry resmı túrde qarapaıym zergerlik dúken sııaqty jumys istegen. Kompanııa Ýkraınanyń barlyq iri qalalarynda, sondaı-aq Reseı men Qazaqstanda (Nur-Sultan) 100-ge jýyq dúken ashqan.
Dúkender shynaıy zergerlik buıymdar satýmen aınalysqan. Siz qarapaıym dúkendegideı jaı ǵana olardy satyp alyp kete alasyz. Biraq olar sizge ýaqyt óte kele banktik kartaǵa tólengen somanyń 104 paıyzyn qaıtaryp alýǵa ýáde beredi. Onyń ústine, eger siz taǵy basqa zat satyp alsańyz, keshbek óse beredi.
Biraq ol kiristerdi altynmen emes, sertıfıkattarmen alý ǵana múmkin bolǵan. Sebebi kiris jylyna 400 paıyzǵa deıin artady eken. Tabysty apta saıyn tólep otyrǵan. Salymshylardyń kópshiligi zeınetkerler bolǵandyqtan bul salymshylardy qyzyqtyryp otyrý úshin tıimdi boldy.
Sertıfıkattardy tek «klýb múshesiniń» usynysy boıynsha satyp alýǵa bolady. Ol árbir jańa klıent úshin aqsha alyp otyrǵan. Iaǵnı, kezindegi MMM sııaqty klassıkalyq pıramıda salyna bastaǵan.
Alaıda, MMM-den aıyrmashylyǵy, barlyq sertıfıkattar altyn buıymdarmen qamtamasyz etilgen (olardy kez-kelgen ýaqytta zergerlik buıymdarǵa aıyrbastaýǵa bolady) jáne mundaı joǵary paıyzdyq kórsetkishter bıznestiń ilgerileýine jol beredi-mis. Bul adamdardyń ashýyn baqylaýda ustap, olardyń senimin ustap turýǵa septigin tıgizgen.
B2B Jewelry pıramıdasynyń negizin qalaýshy - Vınnıa mańyndaǵy Ladyjın shaǵyn qalasynan shyqqan zerger jáne “Sharm” zergerlik fabrıkasynyń negizin qalaýshy Nıkolaı Gonta. 2019 jyly kásipker jergilikti basylymdardyń birine bergen suhbatynda álemniń 30 elinde dúkender jelisin ashýdy josparlap otyrǵanyn málimdegen.
