كارانتيندە وتىرعان ارتىستەردىڭ شىعارماشىلىعى توقتاپ قالعانىمەن، ولاردىڭ ەسىمدەرى وتاندىق باسىلىم بەتتەرىنەن تۇسپەدى. ويتكەنى شوۋ-بيزنەستەگى باۋىرلار مەن اعا-ىنىلەر ونلاين ايقاسقا ءتۇسىپ، ينستاگرامدا ءبىرىن ءبىرى اشكەرەلەۋمەن بولدى. ماسەلەن، سونىڭ ءبىرى – گاۋھار الىمبەكوۆا.
بۇل وسى ايدىڭ باسىندا گاۋھار الىمبەكوۆا مەن كاسىپكەر سەرىك مامرەەۆ اراسىنداعى داۋ. تالاي تويعا مۇرىندىق بولىپ جۇرگەن سەرىك مىرزا الىمبەكوۆامەن ونىڭ كونتسەرتىن ۇيىمداستىراتىن بولىپ كەلىسكەن. بىراق مەجەلى ۋاقىت جەتكەندە مامرەەۆ بيلەتتەردىڭ وتپەگەنىن جانە كونتسەرتتەردىڭ بولمايتىنىن ايتقان. ال ءانشىنىڭ بۇعان سەنگىسى جوق.
گاۋھار الىمبەكوۆا، ءانشى:
- مەنىڭ كونتسەرتىم ەشقاشاندا وتپەي قالعان ەمەس. ءوزىڭىز بىلسەڭىز الماتىدا دا، ليۋبوي جەردە، كەز كەلگەن جەردە مەنىڭ كونتسەرتىم انشلاگپەن ءوتىپ ءجۇر. ول ءوزى ۇيىمداستىرا الماعان ادامنىڭ انشەيىن اناعان جابا سالعان كىناسى.
الدىن الا ەكى ميلليون بەردىم دەگەن كاسىپكەر الىگە دەيىن اقشانى قايتارىپ الا الماي جۇرگەن كورىنەدى. ال الىمبەكوۆانىڭ ءوزى بولسا «بەرگەنى قالاماقى ەمەس، كەپىلپۇل. ال كەپىلپۇل قايتارىلمايدى» دەپ بەكىنىپ وتىر.
گاۋھار الىمبەكوۆا، ءانشى:
- ەكى ميلليونىن الام، ءبىر قاعازىنا قولىمدى قويىپ بەرەمىن. ونى كورسەتىپ ءجۇر ەكەن عوي ينستاگرامدا سالىپ: «وسىنداي قول قويدى، اناۋ-مىناۋ» دەپ تا. مەن ونى المادىم دەپ تۇرعان جوقپىن. العانىم راس.
كارانتيندە ەلدى ەلەڭ ەتكىزگەن – ەرنار ايدار جارنامالاعان لوتەرەيا ويىنى. اتالمىش وقيعادان ءبىراز شۋ تۋىنداپ، ناتيجەسىندە بىرنەشە ۇيىمداستىرۋشى تەمىر تورعا توعىتىلعان بولاتىن. ال ەرناردىڭ ءوزى بولسا، بۇل ىستە تەك كۋاگەر بولعانىن ايتتى.
ەرنار ايدار، ءانشى:
- سول ۇتىس ويىنىن ۇيىمداستىرعان ۇيىمداستىرۋشىلاردىڭ بارلىعى قاماۋدا. الماتى قالاسى ەكونوميكالىق تەرگەۋ دەپارتامەنتى تەرگەۋ جۇمىستارىن جۇرگىزىپ جاتىر. سول تەرگەۋ جۇمىستارىنىڭ ءادىل وتۋىنە مەن دە ءوز تاراپىمنان كومەگىمدى بەرىپ جاتىرمىن. سول تىرلىككە جارناما جاسايمىن دەپ، مەن دە الدانىپ قالدىم اعايىن.
ال جەلىدە اشىق ايقاسىپ، كازنەتتە قىزۋ تالقىعا تۇسكەن ۋاليبەك ءابدىرايىموۆ پەن نۇرلان قويانباەۆ بولدى. اعاسىنىڭ «كينونى تەك قازاق تىلىندە تاسپالاڭدار» دەگەن سىنىنا رەنجىگەن نۇرلان دا ءوز پاراقشاسىندا ابدىرايىموۆقا ارناپ، وكپەلى پوست جاريالاعان-دى. ال ۋاليبەك مىرزا سوڭىنا دەيىن ءوز ايتقانىنان قايتپادى.
ۋاليبەك ءابدىرايىموۆ، ازىلكەش:
- سول ورىسشا-قازاقشا ارالاسقاندى مەن كەشىرە المايمىن ەندى. ءوزىڭدى كورسەتۋ ماقساتىندا، كينو تۇسىرە الاتىنىڭدى ءبىلدىرۋ ماقساتىندا قارجىڭدى جيناپ الىپ، وسىنداي ارەكەتكە بارۋعا بولاتىن شىعار. ال ەندى ول ارەكەتتەن وتكەننەن كەيىن، ەندى ۇلتىڭىزعا قاراي قىزمەت ىستەگەندەرىڭىز دۇرىس بولادى-اۋ.
ءتىپتى ءىنىسىنىڭ ىسىنە قارنى اشقان ازىلكەش، وعان ءوز اقىلىن ايتقان ەدى.
ۋاليبەك ءابدىرايىموۆ، ازىلكەش:
- ءوتىنىش مەنەن، قازاق ءتىلى كەمپىر-شالدىڭ ءتىلى، بولماسا اۋىلدان كەلگەن الاڭعاسارلاۋ بالانىڭ ءتىلى بولماسىن.
كارانتين كەزى – دەرتىمەن عانا ەمەس، جۇلدىزدار اراسىنداعى شۋمەن دە تىنىش بولماعانى انىق. بۇعان تىكەلەي دالەل – جوعارىدا اتالعان ايقاستار.
فوتو اشىق دەرەككوزدەن الىندى.
