Karantınde otyrǵan ártisterdiń shyǵarmashylyǵy toqtap qalǵanymen, olardyń esimderi otandyq basylym betterinen túspedi. Óıtkeni shoý-bıznestegi baýyrlar men aǵa-iniler onlaın aıqasqa túsip, ınstagramda birin biri áshkereleýmen boldy. Máselen, sonyń biri – Gaýhar Álimbekova.
Bul osy aıdyń basynda Gaýhar Álimbekova men kásipker Serik Mámreev arasyndaǵy daý. Talaı toıǵa muryndyq bolyp júrgen Serik myrza Álimbekovamen onyń konertin uıymdastyratyn bolyp kelisken. Biraq mejeli ýaqyt jetkende Mámreev bıletterdiń ótpegenin jáne konertterdiń bolmaıtynyn aıtqan. Al ánshiniń buǵan sengisi joq.
Gaýhar Álimbekova, ánshi:
- Meniń konertim eshqashanda ótpeı qalǵan emes. ózińiz bilseńiz Almatyda da, lıýboı jerde, kez kelgen jerde meniń konertim anshlagpen ótip júr. Ol ózi uıymdastyra almaǵan adamnyń ánsheıin anaǵan jaba salǵan kinási.
Aldyn ala eki mıllıon berdim degen kásipker álige deıin aqshany qaıtaryp ala almaı júrgen kórinedi. Al Álimbekovanyń ózi bolsa «bergeni qalamaqy emes, kepilpul. Al kepilpul qaıtarylmaıdy» dep bekinip otyr.
Gaýhar Álimbekova, ánshi:
- Eki mıllıonyn alam, bir qaǵazyna qolymdy qoıyp beremin. Ony kórsetip júr eken ǵoı ınstagramda salyp: «osyndaı qol qoıdy, anaý-mynaý» dep ta. Men ony almadym dep turǵan joqpyn. Alǵanym ras.
Karantınde eldi eleń etkizgen – Ernar Aıdar jarnamalaǵan lotereıa oıyny. Atalmysh oqıǵadan biraz shý týyndap, nátıjesinde birneshe uıymdastyrýshy temir torǵa toǵytylǵan bolatyn. Al Ernardyń ózi bolsa, bul iste tek kýáger bolǵanyn aıtty.
Ernar Aıdar, ánshi:
- Sol utys oıynyn uıymdastyrǵan uıymdastyrýshylardyń barlyǵy qamaýda. Almaty qalasy ekonomıkalyq tergeý departamenti tergeý jumystaryn júrgizip jatyr. Sol tergeý jumystarynyń ádil ótýine men de óz tarapymnan kómegimdi berip jatyrmyn. Sol tirlikke jarnama jasaımyn dep, men de aldanyp qaldym aǵaıyn.
Al jelide ashyq aıqasyp, kaznette qyzý talqyǵa túsken Ýálıbek Ábdiraıymov pen Nurlan Qoıanbaev boldy. Aǵasynyń «kınony tek qazaq tilinde taspalańdar» degen synyna renjigen Nurlan da óz paraqshasynda Ábdiraıymovqa arnap, ókpeli post jarııalaǵan-dy. Al Ýálıbek myrza sońyna deıin óz aıtqanynan qaıtpady.
Ýálıbek Ábdiraıymov, ázilkesh:
- Sol oryssha-qazaqsha aralasqandy men keshire almaımyn endi. Ózińdi kórsetý maqsatynda, kıno túsire alatynyńdy bildirý maqsatynda qarjyńdy jınap alyp, osyndaı áreketke barýǵa bolatyn shyǵar. Al endi ol áreketten ótkennen keıin, endi ultyńyzǵa qaraı qyzmet istegenderińiz durys bolady-aý.
Tipti inisiniń isine qarny ashqan ázilkesh, oǵan óz aqylyn aıtqan edi.
Ýálıbek Ábdiraıymov, ázilkesh:
- Ótinish menen, qazaq tili kempir-shaldyń tili, bolmasa aýyldan kelgen alańǵasarlaý balanyń tili bolmasyn.
Karantın kezi – dertimen ǵana emes, juldyzdar arasyndaǵy shýmen de tynysh bolmaǵany anyq. Buǵan tikeleı dálel – joǵaryda atalǵan aıqastar.
Foto ashyq derekkózden alyndy.
