ومىرىڭىزگە نە جەتىسپەيدى؟ (پسيحولوگيالىق تەست)

4477
Adyrna.kz Telegram

«ومىرىڭىزدە نە جەتىسپەيدى؟» دەگەن قىزىقتى تەست ءدال قازىرگى ساتتە جانىڭىز نە قالايتىنىن انىقتاۋعا كومەكتەسەدى. ۋاقىت وتكەن سايىن جاي-كۇيىڭىز دە وزگەرىپ وتىرادى، ءار كەزدە ءارتۇرلى سۋرەت تاڭداۋىڭىز مۇمكىن. تاڭداۋىڭىزعا 8 سۋرەت ۇسىنامىز، قاي كارتيناداعى جەردە جۇرگىڭىز كەلەدى؟

1. باقتاعى ورىندىق
سىزگە اڭگىمەلەسۋ، قارىم-قاتىناس جەتىسپەيدى. جاي عانا ءبىر-ەكى اۋىز ءسوز ەمەس، جان دۇنيەڭدى اقتاراتىن سىرلاسۋ. ەسكى دوسىڭىزعا ۋاقىت تاۋىپ، ونىڭ دا ءسىز ءۇشىن بىرەر ساعاتىن ءبولۋىن سۇراڭىز. تاڭعا دەيىن ۇيىقتاماساڭىز دا ىشكى دۇنيەڭىزدى اقتارىپ، وتكەن مەن بۇگىن، بولاشاق تۋرالى ويلارىڭىزدى بىرەۋمەن ءبولىسۋىڭىز كەرەك.

2. ورمانداعى سوقپاق
سىزگە تۇبەگەيلى وزگەرىس بولماعانمەن، ءبىر جاڭارۋ كەرەك. ومىردەگى نەگىزگى دۇنيەلەرگە كوڭىلىڭىز تولادى. دەگەنمەن كەي نارسەلەردى قازىرگىدەن دە جاقسارتۋ ءۇشىن ازداپ وزگەرىس ەنگىزۋ قاجەت. مۇمكىن شاش قويۋ ۇلگىڭىزدى نەمەسە كيىنۋ ءستيلىڭىزدى باسقاشا ەتۋ كەرەك شىعار؟ الدە پاتەردەگى جيھازداردى جاڭارتىپ نە ورنىن اۋىتىرىڭىز. جاڭا ماماندىق ءتۇرىن يگەرىپ كورەسىز بە؟

3. ادەمى كورىنىستە كوفە...
سەزىمدەرىڭىزدى جاڭارتىپ، ءومىردىڭ ءمانىن كەلتىرۋ قاجەت. ول بىرتە-بىرتە ءدامى كەتىپ بارادى. وعان وزگە ەلگە نە باسقا قالاعا بارۋ كومەكتەسە الادى. ءوزىڭىز ءۇشىن الدەبىر ەرەكشە نارسەلەردى بايقاپ كورىڭىز: بيىككە شىعۋ، پەينتبول نە پاراشيۋتتەن سەكىرۋ. بىراق تاۋەكەلگە بارام دەپ اقىماقتىققا جول بەرىپ جۇرمەڭىز.

4. تاۋداعى ءۇي
سىزگە جاي عانا تىنىش ءومىر قاجەت. وتە شارشاڭقى كۇيدەسىز. ەڭ دۇرىسى – ادام جوق شالعاي جەرگە كەتىپ قالىڭىز. پەشكە وت جاعىپ، ەگىن ءوسىرىپ، سيىر ساۋىڭىز. كەشكىسىن جاسىل جەلەك سىبدىرىنا قۇلاق ءتۇرىپ، ابدەن دەمالىڭىز. جاڭبىر تامشىسىنىڭ تىرسىلى، جاپىراقتار سۋدىرى جانىڭىزدى تىنىشتاندىرا تۇسەدى. مامىرگۇلدىڭ (سيرەن) حوش يىسىنەن ءلاززات الىپ، قۇستاردىڭ شىرىلىنا ويانعانعا نە جەتسىن؟!

5. كول
سىزگە بارىنەن بۇرىن بوستاندىق قاجەت. قازىرگى ومىرىڭىزدەن تۇنشىعىپ، دەمىگىپ ءجۇرسىز. بەتىڭىزگە سامال جەل ۇرىپ تۇرعانىن ەلەستەتىپ، باسقا ەشتەڭە ويلاماۋعا تىرىسىڭىز. ورنىڭىزدان قارعىپ تۇرىپ، جۇرەگىڭىز قاي جەرگە شاقىرسا، سول جاققا كەتىپ قالىڭىز.

6. جايلى اۋلا
ءسىز قاراپايىم ومىرگە ءزارۋسىز. كوككە دە كوتەرىلمەي-اق، قۇزعا دا تۇسپەي-اق، شەكتەن دە شىقپاي، جاي عانا ءومىر سۇرگىڭىز كەلەدى. ءبىر نارسەنى بولسا دا رەتىمەن كەلتىرىپ كورىڭىز. قاتىپ قالعان رەجيمدى ءبىر ساتكە بولسا دا توقتاتىڭىز. ءوز كۇنىڭىزدى جوسپارلاڭىز. وزگەرمەۋا ءتيىس نارسە بولسا، ول – جاتتىعۋ، تۇسكى اس ۋاقىتى جانە ۇيقى الدىنداعى كەشكى سەرۋەن. باسقالارىن وزگەرتىڭىز.

7. شامشىراق
سىزگە الدەبىر ارمان، ءۇمىت كەرەك. ءبىر نارسەگە جەتۋ ءۇشىن باسقاسىن كۇتۋ كەرەك. ناقتى مۇمكىندىكتەردى ىسكە اسىرۋعا ارمان كومەكتەسەدى. تىم ۇلكەن دە ەمەس، تىم قول جەتپەس تە ەمەس، ەرتەڭ اق ورىندالاتىن ارمان ويلاڭىز. سىزگە ارمان جولىندا ەڭ قاجەتى – ەڭبەك، تاجىريبە، ءتوزىم جانە كونبىستىك.

8. سۋ جاعاسىنداعى تەرراسا
سىزگە ۇزاق ۋاقىتتىق دەمالىس كەرەك. ەشقانداي ۋايىم-قايعى جوق، كۇن كوپ تۇسەتىن جەرگە بارىڭىز. كۇنگە كۇيىپ، شوكولاد بولعانشا قارايۋدىڭ قاجەتى جوق. جاي عانا كۇن ساۋلەسىنە شومىلىپ، ءومىرىڭىزدى دە جىلۋعا تولتىرىڭىز. قايتا ورالعاندا كۇش-قۋاتىڭىز تاسىپ، جۇمىسقا قۇلشىنىسىڭىز ارتىپ كەلەسىز.

massaget.kz

پىكىرلەر