«Ómirińizde ne jetispeıdi?» degen qyzyqty test dál qazirgi sátte janyńyz ne qalaıtynyn anyqtaýǵa kómektesedi. Ýaqyt ótken saıyn jaı-kúıińiz de ózgerip otyrady, ár kezde ártúrli sýret tańdaýyńyz múmkin. Tańdaýyńyzǵa 8 sýret usynamyz, qaı kartınadaǵy jerde júrgińiz keledi?
1. Baqtaǵy oryndyq
Sizge áńgimelesý, qarym-qatynas jetispeıdi. Jaı ǵana bir-eki aýyz sóz emes, jan dúnıeńdi aqtaratyn syrlasý. Eski dosyńyzǵa ýaqyt taýyp, onyń da siz úshin birer saǵatyn bólýin surańyz. Tańǵa deıin uıyqtamasańyz da ishki dúnıeńizdi aqtaryp, ótken men búgin, bolashaq týraly oılaryńyzdy bireýmen bólisýińiz kerek.
2. Ormandaǵy soqpaq
Sizge túbegeıli ózgeris bolmaǵanmen, bir jańarý kerek. Ómirdegi negizgi dúnıelerge kóńilińiz tolady. Degenmen keı nárselerdi qazirgiden de jaqsartý úshin azdap ózgeris engizý qajet. Múmkin shash qoıý úlgińizdi nemese kıiný stılińizdi basqasha etý kerek shyǵar? Álde páterdegi jıhazdardy jańartyp ne ornyn aýytyryńyz. Jańa mamandyq túrin ıgerip kóresiz be?
3. Ádemi kóriniste kofe...
Sezimderińizdi jańartyp, ómirdiń mánin keltirý qajet. Ol birte-birte dámi ketip barady. Oǵan ózge elge ne basqa qalaǵa barý kómektese alady. Ózińiz úshin áldebir erekshe nárselerdi baıqap kórińiz: bıikke shyǵý, peıntbol ne parashıýtten sekirý. Biraq táýekelge baram dep aqymaqtyqqa jol berip júrmeńiz.
4. Taýdaǵy úı
Sizge jaı ǵana tynysh ómir qajet. Óte sharshańqy kúıdesiz. Eń durysy – adam joq shalǵaı jerge ketip qalyńyz. Peshke ot jaǵyp, egin ósirip, sıyr saýyńyz. Keshkisin jasyl jelek sybdyryna qulaq túrip, ábden demalyńyz. Jańbyr tamshysynyń tyrsyly, japyraqtar sýdyry janyńyzdy tynyshtandyra túsedi. Mamyrgúldiń (sıren) hosh ıisinen lázzat alyp, qustardyń shyrylyna oıanǵanǵa ne jetsin?!
5. Kól
Sizge bárinen buryn bostandyq qajet. Qazirgi ómirińizden tunshyǵyp, demigip júrsiz. Betińizge samal jel uryp turǵanyn elestetip, basqa eshteńe oılamaýǵa tyrysyńyz. Ornyńyzdan qarǵyp turyp, júregińiz qaı jerge shaqyrsa, sol jaqqa ketip qalyńyz.
6. Jaıly aýla
Siz qarapaıym ómirge zárýsiz. Kókke de kóterilmeı-aq, quzǵa da túspeı-aq, shekten de shyqpaı, jaı ǵana ómir súrgińiz keledi. Bir nárseni bolsa da retimen keltirip kórińiz. Qatyp qalǵan rejımdi bir sátke bolsa da toqtatyńyz. Óz kúnińizdi josparlańyz. Ózgermeýá tıis nárse bolsa, ol – jattyǵý, túski as ýaqyty jáne uıqy aldyndaǵy keshki serýen. Basqalaryn ózgertińiz.
7. Shamshyraq
Sizge áldebir arman, úmit kerek. Bir nársege jetý úshin basqasyn kútý kerek. Naqty múmkindikterdi iske asyrýǵa arman kómektesedi. Tym úlken de emes, tym qol jetpes te emes, erteń aq oryndalatyn arman oılańyz. Sizge arman jolynda eń qajeti – eńbek, tájirıbe, tózim jáne kónbistik.
8. Sý jaǵasyndaǵy terrasa
Sizge uzaq ýaqyttyq demalys kerek. Eshqandaı ýaıym-qaıǵy joq, kún kóp túsetin jerge baryńyz. Kúnge kúıip, shokolad bolǵansha qaraıýdyń qajeti joq. Jaı ǵana kún sáýlesine shomylyp, ómirińizdi de jylýǵa toltyryńyz. Qaıta oralǵanda kúsh-qýatyńyz tasyp, jumysqa qulshynysyńyz artyp kelesiz.
massaget.kz
