التى ەل قىرىمعا بايلانىستى رەسەيگە قارسى ەۋرووداقتىڭ (ەو) سانكتسيالارىنا قوسىلدى. بۇل تۋرالى «ادىرنا» ۇلتتىق پورتالى Tass.ru-عا سىلتەمە جاساپ حابارلايدى.
ەرووداقتىڭ سەرىكتەس ەلدەرى ەو كەڭەسىنىڭ رەسەيگە قاتىستى سانكتسيالارىن ءبىر جىلعا ۇزارتۋ تۋرالى شەشىمىنە قوسىلاتىندىعىن راستادى.
«چەرنوگوريا مەن البانيا سەكىلدى كانديدات ەلدەر (ەو-قا كىرۋ ءۇشىن), ەۋروپانىڭ ەركىن ساۋدا ايماعىنىڭ مۇشەلەرى نورۆەگيا مەن يسلانديا، سونداي-اق ۋكراينا مەن گرۋزيا ەو كەڭەسىنىڭ 2020 جىلعى 18 ماۋسىمداعى شەشىمىنە قوسىلاتىندىعىن مالىمدەپ، وعان سايكەس ەو كەڭەسى سانكتسيالاردى 2021 جىلدىڭ 23 ماۋسىمىنا دەيىن ۇزارتۋ تۋرالى شەشىم قابىلدادى»، - دەلىنگەن ەو حابارلاماسىندا.
بۇل ەلدەر 2014 جىلى رەسەيگە قارسى قۇرىلعان ەۋروپالىق سانكتسيالار رەجيمىنىڭ بارلىعىمەن كەلىستى. سودان بەرى ولار جىل سايىن قىرىمعا بايلانىستى رەسەيگە قارسى سانكتسيالاردىڭ بارىنە قوسىلىپ وتىردى. بيىل ەو تۇركيانىڭ قوسىلۋىنان ۇمىتتەنگەن-ءدى، بىراق انكارا باس تارتتى.
ماۋسىم ايىندا ەو رەسەيدىڭ بانكتىك، قارجىلىق جانە ەنەرگەتيكالىق سەكتورلارىنا قاتىستى ەكونوميكالىق سانكتسيالاردى التى ايعا، 2021 جىلدىڭ 31 قاڭتارىنا دەيىن رەسمي تۇردە ۇزارتتى. ەۋروپالىق كومپانيالارعا قىرىمعا ينۆەستيتسيا سالۋعا جانە تۇبەكتەن تاۋارلاردى يمپورتتاۋعا تىيىم سالۋدى 2021 جىلدىڭ 23 ماۋسىمىنا دەيىن ۇزارتۋ تۋرالى شەشىم قابىلداندى.
اقش، ەۋروپالىق وداق جانە باسقا دا بىرقاتار ەلدەردىڭ رەسەيگە قارسى سانكتسيالارى قىرىمنىڭ 2014 جىلى رەسەيگە كىرۋىنە جانە ۋكراينانىڭ وڭتۇستىك-شىعىسىنداعى جاعدايدىڭ شيەلەنىسۋىنە بايلانىستى ەنگىزىلدى. بريۋسسەلدىڭ ماسكەۋگە جاساعان ەكونوميكالىق شەكتەۋلەرى ۇنەمى جاڭارتىلىپ وتىرادى.
(سۋرەت اشىق دەرەككوزدەن الىندى)
«ادىرنا» ۇلتتىق پورتالى
