Alty el Qyrymǵa baılanysty Reseıge qarsy Eýroodaqtyń (EO) sankııalaryna qosyldy. Bul týraly «Adyrna» ulttyq portaly Tass.ru-ǵa silteme jasap habarlaıdy.
Eroodaqtyń seriktes elderi EO Keńesiniń Reseıge qatysty sankııalaryn bir jylǵa uzartý týraly sheshimine qosylatyndyǵyn rastady.
«Chernogorııa men Albanııa sekildi kandıdat elder (EO-qa kirý úshin), Eýropanyń erkin saýda aımaǵynyń músheleri Norvegııa men Islandııa, sondaı-aq Ýkraına men Grýzııa EO Keńesiniń 2020 jylǵy 18 maýsymdaǵy sheshimine qosylatyndyǵyn málimdep, oǵan sáıkes EO Keńesi sankııalardy 2021 jyldyń 23 maýsymyna deıin uzartý týraly sheshim qabyldady», - delingen EO habarlamasynda.
Bul elder 2014 jyly Reseıge qarsy qurylǵan eýropalyq sankııalar rejıminiń barlyǵymen kelisti. Sodan beri olar jyl saıyn Qyrymǵa baılanysty Reseıge qarsy sankııalardyń bárine qosylyp otyrdy. Bıyl EO Túrkııanyń qosylýynan úmittengen-di, biraq Ankara bas tartty.
Maýsym aıynda EO Reseıdiń banktik, qarjylyq jáne energetıkalyq sektorlaryna qatysty ekonomıkalyq sankııalardy alty aıǵa, 2021 jyldyń 31 qańtaryna deıin resmı túrde uzartty. Eýropalyq kompanııalarǵa Qyrymǵa ınvestıııa salýǵa jáne túbekten taýarlardy ımporttaýǵa tyıym salýdy 2021 jyldyń 23 maýsymyna deıin uzartý týraly sheshim qabyldandy.
AQSh, Eýropalyq Odaq jáne basqa da birqatar elderdiń Reseıge qarsy sankııalary Qyrymnyń 2014 jyly Reseıge kirýine jáne Ýkraınanyń ońtústik-shyǵysyndaǵy jaǵdaıdyń shıelenisýine baılanysty engizildi. Brıýsseldiń Máskeýge jasaǵan ekonomıkalyq shekteýleri únemi jańartylyp otyrady.
(Sýret ashyq derekkózden alyndy)
«Adyrna» ulttyq portaly
