توقاەۆ 1 قىركۇيەكتە قازاقستان حالقىنا جولداۋىن جاريالايدى

2590
Adyrna.kz Telegram

مەملەكەت باسشىسى قاسىم-جومارت توقاەۆ رەسپۋبليكا حالقىنا كەزەكتى جولداۋىن 1 قىركۇيەك كۇنى جاريالايدى دەپ حابارلايدى "ادىرنا" ءتىلشىسى KAZ.NUR.KZ-كە سىلتەمە جاساپ.

بۇل تۋرالى ەل پرەزيدەنتىنىڭ ءباسپاسوز حاتشىسى بەرىك ءۋالي Facebook الەۋمەتتىك جەلىسىندەگى پاراقشاسىندا جازدى.

"مەملەكەت باسشىسىنىڭ قازاقستان حالقىنا ارناعان جىل سايىنعى ءداستۇرلى جولداۋى 2020 جىلدىڭ 1 قىركۇيەك كۇنى وتەتىن پارلامەنتتىڭ كەزەكتى سەسسياسىنىڭ اشىلۋىندا جاريالانادى دەپ جوسپارلانىپ وتىر. پارلامەنتتىڭ قوس پالاتاسىنىڭ بىرلەسكەن وتىرىسىندا پرەزيدەنت قاسىم-جومارت توقاەۆ ەلىمىزدىڭ داعدارىستان كەيىنگى كەزەڭدەگى نەگىزگى دامۋ ماقساتتارى جايىندا ايتادى. جولداۋدىڭ باسىم بولىگى ەكونوميكالىق جانە الەۋمەتتىك ماسەلەلەرگە ارنالادى", - دەدى ول.

ايتا كەتەيىك، ءماجىلىس توراعاسى نۇرلان نىعماتۋلين قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويعان بولاتىن. وتىرىس 1 قىركۇيەكتە ساعات 11-دە وتەدى.  ال نۇرسۇلتان نازارباەۆتىڭ قاتىسۋىمەن ءوتۋى ءتيىس بولعان Nur Otan ساياسي كەڭەس بيۋروسىنىڭ وترىسى تاعى دا كەيىنگە شەگەرىلدى. بۇل تۋرالى باۋىرجان بايبەك الەۋمەتتىك جەلىسىندەگى رەسمي پاراقشاسىندا حاباردار ەتتى. ونىڭ سوزىنشە، وتىرىس 28 تامىز كۇنى وتەدى دەپ جوسپارلانۋدا.

ەستەرىڭىزگە سالا كەتەيىك، 2019 جىلدىڭ ەكىنشى قىركۇيەگىندە مەملەكەت باسشىسى قاسىم-جومارت توقاەۆ قازاقستان حالقىنا العاشقى جولداۋىن جاساعان بولاتىن.

"ادىرنا" ۇلتتىق پورتالى

پىكىرلەر