ءىىم قازاقستاندىقتاردى 1 ملرد تەڭگەگە الداعان الاياقتى مينسكىدەن ەكستراديتسيالادى

2276
Adyrna.kz Telegram

ءىىم قازاقستاندىقتاردى 1 ملرد تەڭگەگە الداعان الاياقتى مينسكىدەن ەكستراديتسيالادى، – دەپ حابارلايدى «ادىرنا» ۇلتتىق پورتالى Polisia.kz-كە سىلتەمە جاساپ.

قازاقستان پوليتسياسى رەسەي ازاماتى ولگا كلەيناردتىڭ قازاقستانعا ەكستراديتسيالانۋىنا قولجەتكىزدى. ول “Questra World” ءىرى قارجى پيراميدالارىنىڭ ءبىرىن ۇيىمداستىردى دەپ ايىپتالۋدا.

ولگا كلەينارد ءبىزدىڭ ەلىمىزدىڭ اۋماعىندا الاياقتاردىڭ ارەكەتتەرىنە جەتەكشىلىك ەتتى. الاياقتىق ارەكەتتەرىنىڭ ناتيجەسىندە مىڭداعان قازاقستاندىقتار الدانىپ، كەلتىرىلگەن شىعىن سوماسى 1 ملرد. تەڭگەدەن استى.

ول بەلارۋس رەسپۋبليكاسىنىڭ اۋماعىندا ۇستالدى. كەشەگى كۇنى ول نۇر-سۇلتان قالاسىنا جەتكىزىلدى. قازىرگى ۋاقىتتا كۇدىكتى ازاماتشا تەرگەۋ يزولياتورلارىندا.

ەستەرىڭىزگە سالا كەتەيىك، “Questra World” كومپانيالار توبى تۋرالى قىلمىستىق ءىس بويىنشا بۇعان دەيىن قر ءىىم قىزمەتكەرلەرى سەگىز ادامدى ۇستاعان بولاتىن.

الاياقتاردىڭ ارەكەتتەرى ويدان شىعارىلعان ينۆەستيتسيالىق پورتفەل تۇرلەرىن ساتۋ تۋرالى اقپارات ورنالاستىرىلعان ۆەب-سايتتاردىڭ كومەگىمەن جۇمىس ىستەگەن. الاياقتار ازاماتتارعا ينۆەستيتسيادان جىلدىق 300% – عا دەيىن پايدا تابۋعا ۋادە بەرگەن.

“Questra World” قارجى پيراميداسىنىڭ تاعى بىرنەشە ەلدە جۇمىس ىستەگەنى انىقتالدى.

 

“ادىرنا” ۇلتتىق پورتالى

پىكىرلەر