IIM qazaqstandyqtardy 1 mlrd teŋgege aldaǧan alaiaqty Minskıden ekstradisiialady, – dep habarlaidy «Adyrna» ūlttyq portaly Polisia.kz-ke sılteme jasap.
Qazaqstan polisiiasy Resei azamaty Olga Kleinardtyŋ Qazaqstanǧa ekstradisiialanuyna qoljetkızdı. Ol “Questra World” ırı qarjy piramidalarynyŋ bırın ūiymdastyrdy dep aiyptaluda.
Olga Kleinard bızdıŋ elımızdıŋ aumaǧynda alaiaqtardyŋ äreketterıne jetekşılık ettı. Alaiaqtyq äreketterınıŋ nätijesınde myŋdaǧan qazaqstandyqtar aldanyp, keltırılgen şyǧyn somasy 1 mlrd. teŋgeden asty.
Ol Belarus Respublikasynyŋ aumaǧynda ūstaldy. Keşegı künı ol Nūr-Sūltan qalasyna jetkızıldı. Qazırgı uaqytta küdıktı azamatşa tergeu izoliatorlarynda.
Esterıŋızge sala keteiık, “Questra World” kompaniialar toby turaly qylmystyq ıs boiynşa būǧan deiın QR IIM qyzmetkerlerı segız adamdy ūstaǧan bolatyn.
Alaiaqtardyŋ äreketterı oidan şyǧarylǧan investisiialyq portfel türlerın satu turaly aqparat ornalastyrylǧan veb-saittardyŋ kömegımen jūmys ıstegen. Alaiaqtar azamattarǧa investisiiadan jyldyq 300% – ǧa deiın paida tabuǧa uäde bergen.
“Questra World” qarjy piramidasynyŋ taǧy bırneşe elde jūmys ıstegenı anyqtaldy.
“Adyrna” ūlttyq portaly
