قازاقستاندا تسيفرلاندىرۋ باعدارلاماسىن جۇزەگە اسىرعالى بەرى ءبىرشاما اۋقىمدى ىستەر اتقارىلۋدا. سونىڭ ءبىر سالاسى – كولىك جانە لوگيستيكاعا ارنالعان «زياتكەرلىك كولىك جوباسى».
بۇل جوبا ەلىمىزدەگى اۆتوموبيل جولدارىنداعى كولىك قاتىناسى مالىمەتتەرىن جينايدى. "زياتكەرلىك كولىك جوباسىنىڭ" ارتىقشىلىعى – اۋا رايىن باقىلاۋ جۇيەسى ورناتىلادى. وندا كۇن رايى مالىمەتى مەن جاۋىن-شاشىن جول بويىنداعى تابلولار ارقىلى كورىنىپ تۇرادى. ول ءوز كەزەگىندە كولىك قاۋىپسىزدىنە اسەر ەتەدى. جولدىڭ ساپاسى مەن سەرۆيستىك قىزمەت كورسەتۋى بويىنشا 4 باعىتتا اقىلى جولدار ىسكە قوسىلدى. نۇر-سۇلتان – تەمىرتاۋ اقىلى تاس جولىندا 8 ICD تەرمينالى، نۇر-سۇلتان – شۋچەدە 6 GEA تەرمينالى، الماتى – قورعاس جولىندا 8 شتريح-م تەرمينالى، الماتى – قاپشاعاي بويىندا 12 شتريح-م تەرمينالى بار. اقىلى جولداردىڭ ۇزاقتىعى – 682 شاقىرىم.
اتالعان جولداردىڭ بويىمەن وتكەن ءاربىر كولىك تەرمينالدار ارقىلى جول اقىسىن تولەيدى. جولاۋشىلارعا كاسسا 24, QIWI, Wooppay, Halykbank, KaspiBank, سبەربانك، ەۋرازيالىق بانك، CapitalBank, اتف بانك قوسىمشالارى ارقىلى ، PayWay.kz سايتى، تەلەفون نومىرىندەگى تەڭگەرىممەن جانە KazDriver قوسىمشاسى ارقىلى دا تولەم تولەۋ جۇيەسى قاراستىرىلعانىن ايتا كەتەيىك.
تولەم مالىمەتتەرى بىرىڭعاي بازاعا جينالادى. مىسالى، نۇر-سۇلتان - بۋراباي باعىتىنداعى اقىلى جول 2020 جىلعا دەيىن 5 ملرد تەڭگە تابىس اكەلگەن. بۇل باعىتتاعى جۇمىس ءارى قاراي دا جالعاسا بەرەدى. قازاقستاندا 168,7 مىڭ شاقىرىم جول بولسا، 2024 جىلدىڭ سوڭىنا دەيىن كۇرە جولداردىڭ 11 مىڭ شاقىرىمىن اقىلى ەتۋ جوسپارلانۋدا. ول ءۇشىن جول جوندەيتىن ينۆەستورلارمەن ارنايى كەلىسىمدەرگە كەلىپ، جول ساپاسىن جاقسارتادى. ايتا كەتەيىك، ەلىمىزدە رەسپۋبليكالىق ماڭىزى بار جولداردىڭ ۇزىندىعى – 24,8 مىڭ شاقىرىم.
«قازاۆتوجول» ۇك» اق باسقارما توراعاسى ۇلان ءالىپوۆ حابارلاعانداي، بيىل شىمكەنت – وزبەكستان شەكاراسى، قاپشاعاي – تالدىقورعان، ورال – رف شەكاراسى، نۇر-سۇلتان – پاۆلودار، قىزىلوردا – شىمكەنت – تاراز، اقتوبە – ورال – رف شەكاراسى سىندى جولداردا تولەم الۋ جۇيەسىن ەنگىزىلەدى.
الماتى قالاسىنىڭ تولەم كارتاسى مەن نۇر-سۇلتان قالاسىنىڭ تولەم كارتاسى.
سونداي-اق، قالا ىشىندەگى اۆتوبۋستار تەرمينال جۇيەسىمەن تولەم جاساۋعا كوشۋدە. مىسالى، الماتى قالاسىنىڭ تۇرعىندارى قوعامدىق كولىكتەر مەن مەترودا جول اقىسىن "وڭاي" كارتاسى ارقىلى تولەيدى. جول اقىسىن كارتامەن تولەۋ ەلىمىزدىڭ وزگە دا قالالارىندا ىسكە اسۋدا. ايىرماشىلىعى – تولەم كارتالارىنىڭ اتاۋى مەن جول ءجۇرۋ اقىسىنىڭ ارتۇرلىلىگىندە عانا. شىمكەنت قالاسىندا ىسكە قوسىلاتىن "تولەم" جۇيەسى قىركۇيەك ايىنان باستاپ تولىقتاي ىسكە قوسىلادى.
"ادىرنا" ۇلتتىق پورتالى
