ıfrlandyrý baǵdarlamasynyń alǵashqy nátıjeleri qandaı?

2968
Adyrna.kz Telegram

Qazaqstanda ıfrlandyrý baǵdarlamasyn júzege asyrǵaly beri birshama aýqymdy ister atqarylýda. Sonyń bir salasy – kólik jáne logıstıkaǵa arnalǵan «Zııatkerlik kólik jobasy».

Bul joba elimizdegi avtomobıl joldaryndaǵy kólik qatynasy málimetterin jınaıdy. "Zııatkerlik kólik jobasynyń" artyqshylyǵy –  aýa raıyn baqylaý júıesi ornatylady. Onda kún raıy málimeti men jaýyn-shashyn jol boıyndaǵy tablolar arqyly kórinip turady. Ol óz kezeginde kólik qaýipsizdine áser etedi. Joldyń sapasy men servıstik qyzmet kórsetýi boıynsha 4 baǵytta aqyly joldar iske qosyldy.  Nur-Sultan – Temirtaý aqyly tas jolynda 8 ICD termınaly, Nur-Sultan – Shýchede 6 GEA termınaly, Almaty – Qorǵas jolynda 8 Shtrıh-M termınaly,  Almaty – Qapshaǵaı boıynda 12  Shtrıh-M termınaly bar. Aqyly joldardyń uzaqtyǵy – 682 shaqyrym.

Atalǵan joldardyń boıymen ótken árbir kólik termınaldar arqyly jol aqysyn tóleıdi.  Jolaýshylarǵa Kassa 24, QIWI, Wooppay, Halykbank, KaspiBank, Sberbank, Eýrazııalyq bank, CapitalBank, ATF Bank qosymshalary arqyly , PayWay.kz saıty, telefon nómirindegi teńgerimmen jáne KazDriver qosymshasy arqyly da tólem tóleý júıesi qarastyrylǵanyn aıta keteıik.
Tólem málimetteri birińǵaı bazaǵa jınalady. Mysaly, Nur-Sultan - Býrabaı baǵytyndaǵy  aqyly jol 2020 jylǵa deıin 5 mlrd teńge tabys ákelgen.  Bul baǵyttaǵy jumys ári qaraı da jalǵasa beredi. Qazaqstanda 168,7 myń shaqyrym jol bolsa, 2024 jyldyń sońyna deıin  kúre joldardyń 11 myń shaqyrymyn aqyly etý josparlanýda. Ol úshin jol jóndeıtin ınvestorlarmen arnaıy kelisimderge kelip, jol sapasyn jaqsartady. Aıta keteıik, elimizde respýblıkalyq mańyzy bar joldardyń uzyndyǵy – 24,8 myń shaqyrym.

«QazAvtoJol» UK» AQ basqarma tóraǵasy Ulan Álipov habarlaǵandaı, bıyl Shymkent – Ózbekstan shekarasy, Qapshaǵaı – Taldyqorǵan, Oral – RF shekarasy, Nur-Sultan – Pavlodar, Qyzylorda – Shymkent – Taraz, Aqtóbe – Oral – RF shekarasy syndy joldarda tólem alý júıesin engiziledi.

 

Almaty qalasynyń tólem kartasy men Nur-Sultan qalasynyń tólem kartasy.

Sondaı-aq, qala ishindegi avtobýstar termınal júıesimen tólem jasaýǵa kóshýde. Mysaly, Almaty qalasynyń turǵyndary qoǵamdyq kólikter men metroda jol aqysyn "Ońaı" kartasy arqyly tóleıdi. Jol aqysyn kartamen tóleý elimizdiń ózge da qalalarynda iske asýda. Aıyrmashylyǵy – tólem kartalarynyń ataýy men jol júrý aqysynyń ártúrliliginde ǵana. Shymkent qalasynda iske qosylatyn "Tólem" júıesi qyrkúıek aıynan bastap tolyqtaı iske qosylady.

"Adyrna" ulttyq portaly

 

Pikirler