13 ناۋرىزدا, Eset انتيۆيرۋستىق كومپانياسى كيبەرقىلمىسكەرلەردىڭ كوروناۆيرۋس كەزىندەبەلسەنە ىسكە كىرىسكەندىگى تۋرالى حابارلادى.
ساراپشىلاردىڭ پىكىرىنشە, كيبەرقىلمىسكەرلەر دۇنيەجۇزىلىك دەنساۋلىق ساقتاۋ ۇيىمىنىڭ اتىنان جاڭالىقتار تاراتۋدا. پايدالانۋشىلارعا ۆيرۋس تۋرالى قۇپيا جانە وتە ماڭىزدى اقپاراتتى الۋ ءۇشىن قاۋىپتى سىلتەمەلەر جىبەرەدى. وسىلايشا, ولار ءوز قۇرباندارىنىڭ شوتتارىنا قول جەتكىزىپ, جەكە جانە تولەم اقپاراتىن ۇرلايدى. Eset حابارلاما كەلگەن ەلەكتروندىق پوشتا مەكەنجايىن تەكسەرىپ وتىرۋدى ۇسىنادى: مىسالى, @who.com, @who.org نەمەسە @who-safety.org مەكەن-جايلارىنىڭ دسۇ-عاقاتىسى جوق.
الاياقتار قىتايداعى بالالار ءۇشىن كوروناۆيرۋس ۆاكتسيناسىن تابۋ ماقساتىندا جالعان قايىرىمدىلىق اكتسيالارىن دا وتكىزگەن.
سونىمەن قاتار, مەديتسينالىق ماسكالار مەن انتيسەپتيكالىق قۇرالداردى ساتۋعا ارنالعان جالعان جارنامالار كەڭ ەتەك جايدى. ولاردىڭ كومەگىمەن كيبەرقىلمىسكەرلەر نەسيە كارتالارىنىڭ مالىمەتتەرىن الىپ, شوتتاعى اقشانى ۇرلايدى. سونىمەن, Sky News حابارلاۋىنشا, 2020 جىلدىڭ اقپان ايىندا ۇلىبريتانياداعى قىلمىسكەرلەر مۇنداي ناۋقاننان كەم دەگەندە 800 000 فۋنت ستەرلينگ (1 ميلليون دوللار) تاپقان.
ەسىڭىزدە بولسىن!
كيبەرقىلمىسكەرلەردەن قورعانۋدىڭ تاعى ءبىر جولى: ەلەكتروندىق پوشتانى قورعاۋعا جانە فيشينگكە قارسى انتيۆيرۋس قولدانۋ.
“قازاقستاننىڭ كيبەرقالقانى” تۇجىرىمداماسى دا وسى ماسەلە اياسىندا جوبالاردى قابىلداپ, ناقتى ىسكە كوشتى. كيبەرقىلمىسكەرلەردى قۇرىقتاۋ - كۇن تارتىبىندەگى باستى ماسەلە. ەندەشە ءوز مالىمەتتەرىڭىزدى قىلمىسكەرلەردەن قورعاۋ ءۇشىن قورعانىس شارالارىن جۇرگىزىپ وتىرىڭىز.
اياۋلىم ءابءىلدا،
“ادىرنا” ۇلتتىق پورتالى
