13 naýryzda, Eset antıvırýstyq kompanııasy kıberqylmyskerlerdiń koronavırýs kezindebelsene iske kiriskendigi týraly habarlady.
Sarapshylardyń pikirinshe, kıberqylmyskerler Dúnıejúzilik densaýlyq saqtaý uıymynyń atynan jańalyqtar taratýda. Paıdalanýshylarǵa vırýs týraly qupııa jáne óte mańyzdy aqparatty alý úshin qaýipti siltemeler jiberedi. Osylaısha, olar óz qurbandarynyń shottaryna qol jetkizip, jeke jáne tólem aqparatyn urlaıdy. Eset habarlama kelgen elektrondyq poshta mekenjaıyn tekserip otyrýdy usynady: mysaly, @who.com, @who.org nemese @who-safety.org meken-jaılarynyń DSU-ǵaqatysy joq.
Alaıaqtar Qytaıdaǵy balalar úshin koronavırýs vakınasyn tabý maqsatynda jalǵan qaıyrymdylyq akııalaryn da ótkizgen.
Sonymen qatar, medıınalyq maskalar men antıseptıkalyq quraldardy satýǵa arnalǵan jalǵan jarnamalar keń etek jaıdy. Olardyń kómegimen kıberqylmyskerler nesıe kartalarynyń málimetterin alyp, shottaǵy aqshany urlaıdy. Sonymen, Sky News habarlaýynsha, 2020 jyldyń aqpan aıynda Ulybrıtanııadaǵy qylmyskerler mundaı naýqannan kem degende 800 000 fýnt sterlıng (1 mıllıon dollar) tapqan.
Esińizde bolsyn!
Kıberqylmyskerlerden qorǵanýdyń taǵy bir joly: elektrondyq poshtany qorǵaýǵa jáne fıshıngke qarsy antıvırýs qoldaný.
“Qazaqstannyń kıberqalqany” tujyrymdamasy da osy másele aıasynda jobalardy qabyldap, naqty iske kóshti. Kıberqylmyskerlerdi quryqtaý - kún tártibindegi basty másele. Endeshe óz málimetterińizdi qylmyskerlerden qorǵaý úshin qorǵanys sharalaryn júrgizip otyryńyz.
Aıaýlym ÁBILDA,
“Adyrna” ulttyq portaly
