كۇزدە بولاتىن ەكىنشى تولقىن حالىقتى ابىگەرگە سالماق

2569
Adyrna.kz Telegram

قازىرگى ۋاقىتتا جاپونيا كوروناۆيرۋستىڭ ەكىنشى تولقىنىن وتكەرۋدە، جۇقتىرۋ قاۋپى تۇگەلدەي دەرلىك سەيىلدى. بىراق ەلدە ىندەتتىڭ ءتورتىنشى تولقىنى بولادى دەپ كۇتىلۋدە. ال قازاقستان ءالى ەكىنشىسىنەن ءوتىپ ۇلگەرگەن جوق.  كۇزدە قاتتى كۇشەيەتىن ىندەتتەن قالاي امان قالامىز؟ بالالار كوروناۆيرۋسى راسىمەن قاۋىپتى مە؟ 

ەكىنشى تولقىنعا دايىنبىز با؟

دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەت:

“كوروناۆيرۋستىق ينفەكتسيا جانە پنەۆمونيامەن اۋىرعاندارعا ارنالىپ، ءدارى-دارمەكتىڭ ءبىر ايلىق قورىن جاساقتاۋ ءۇشىن جالپى قۇنى 8,7 ملرد تەڭگە بولاتىن 91 ءتۇرلى پرەپارات دايىندالۋدا. مۇنداي كولەمدەگى قور 40 مىڭ ناۋقاستى ەمدەۋگە جەتەدى”

سونىمەن قاتار، رەسمي وكىل 15 تامىزدا قوسىمشا ەكى ايلىق قور جاساقتاۋعا كىرىسەمىز دەگەن بولاتىن. بۇل دەگەنىڭىز ستاتسيونارداعى 200 مىڭ ناۋقاسقا ارنالعان ءدارىنىڭ 50 ءتۇرى.

كۇزدە كوروناۆيرۋس ينفەكتسياسىن جۇقتىرۋشىلاردىڭ سانى كۇرت كوبەيۋى مۇمكىن

«وتكەن جىلى جانە ونىڭ الدىڭعى جىلدارى، ورتا ەسەپپەن، قازاقستاندا قازان مەن ناۋرىز ايلارى ارالىعىندا 600 مىڭنان 1 ميلليونعا دەيىن قازاقستاندىقتار تۇماۋ مەن جرۆي جۇقتىردى. مىنە، كۇزدە دە وسىنشا ادام جرۆي مەن تۇماۋعا قايتا شالدىعۋى مۇمكىن، بۇعان كوروناۆيرۋس قوسىلۋى ىقتيمال» - دەدى مينيسترلىك وكىلى. 

كاۆاساكي سيندرومى دەپ اتالاتىن بالالار كوروناۆيرۋسى راسىمەن قاۋىپتى مە؟ 

ەلىمىزدە 11 بالاعا اتالمىش سيندرومنىڭ دياگنوزى قويىلعان بولاتىن. بالالار كوروناۆيرۋستى جەڭىل وتكەرەتىندىكتەن جانە يممۋنيتەت تەز قالىپتاسۋ ءۇشىن ولاردىڭ ۆيرۋس جۇقتىرعانى ءجون دەگەن پىكىرلەر ايتىلدى. قازاقستاننىڭ جەتەكشى ينفەكتسيونيست دارىگەرى ديناگۇل باەشوۆانىڭ سوزىنشە، ينفەكتسيا جۇقتىرعان بالا ۆيرۋس تاراتۋشىعا اينالادى. شەتەلدىك عالىمداردىڭ "بالالاردا كوروناۆيرۋس سالدارىنان سيرەك كەزدەسەتىن كاۆاساكي سيندرومى پايدا بولۋى مۇمكىن" دەگەن مالىمدەمەسىنە سۇيەنگەن دارىگەر ۆيرۋستى بالالارعا ادەيىلەپ جۇقتىرۋدىڭ وتە قاۋىپتى ەكەنىن ايتتى.

كاۆاساكي سيندرومىنىڭ الدىن الۋدىڭ ءبىر عانا جولى – بالانى كوروناۆيرۋستان ساقتاۋ: قوعامدىق ورىنداردا ماسكا تاعۋ، قولدى ءجيى سابىنداپ جۋ، بولمەنى ءجيى جەلدەتىپ تۇرۋ، دۇرىس ءارى ۋاقىتىلى تاماقتانۋ، بالانىڭ وزگەلەرمەن بايلانىسقا تۇسپەۋىن قاداعالاۋ.

دارىگەرلەر جۇمباق سيندرومنان ۇرەيلەنبەۋگە شاقىرادى. اۋرۋدى اسقىندىرىپ الماۋ ءۇشىن اۋرۋ بەلگىلەرى بايقالعاندا بالاعا ءارتۇرلى دارىلەر مەن ۆيرۋسقا قارسى پرەپاراتتاردى ىشكىزە بەرمەي، دەرەۋ دارىگەرگە قاراتۋ كەرەك.

اياۋلىم ءابىلدا،

“ادىرنا” ۇلتتىق پورتالى

 

پىكىرلەر