Qazirgi ýaqytta Japonııa koronavırýstyń ekinshi tolqynyn ótkerýde, juqtyrý qaýpi túgeldeı derlik seıildi. Biraq elde indettiń tórtinshi tolqyny bolady dep kútilýde. Al Qazaqstan áli ekinshisinen ótip úlgergen joq. Kúzde qatty kúsheıetin indetten qalaı aman qalamyz? Balalar koronavırýsy rasymen qaýipti me?
Ekinshi tolqynǵa daıynbyz ba?
Densaýlyq saqtaý mınıstrliginiń resmı ókili Baǵdat QOJAHMET:
“Koronavırýstyq ınfekııa jáne pnevmonııamen aýyrǵandarǵa arnalyp, dári-dármektiń bir aılyq qoryn jasaqtaý úshin jalpy quny 8,7 mlrd teńge bolatyn 91 túrli preparat daıyndalýda. Mundaı kólemdegi qor 40 myń naýqasty emdeýge jetedi”
Sonymen qatar, resmı ókil 15 tamyzda qosymsha eki aılyq qor jasaqtaýǵa kirisemiz degen bolatyn. Bul degenińiz staıonardaǵy 200 myń naýqasqa arnalǵan dáriniń 50 túri.
Kúzde koronavırýs ınfekııasyn juqtyrýshylardyń sany kúrt kóbeıýi múmkin
«Ótken jyly jáne onyń aldyńǵy jyldary, orta eseppen, Qazaqstanda qazan men naýryz aılary aralyǵynda 600 myńnan 1 mıllıonǵa deıin qazaqstandyqtar tumaý men JRVI juqtyrdy. Mine, kúzde de osynsha adam JRVI men tumaýǵa qaıta shaldyǵýy múmkin, buǵan koronavırýs qosylýy yqtımal» - dedi mınıstrlik ókili.
Kavasakı sındromy dep atalatyn balalar koronavırýsy rasymen qaýipti me?
Elimizde 11 balaǵa atalmysh sındromnyń dıagnozy qoıylǵan bolatyn. Balalar koronavırýsty jeńil ótkeretindikten jáne ımmýnıtet tez qalyptasý úshin olardyń vırýs juqtyrǵany jón degen pikirler aıtyldy. Qazaqstannyń jetekshi ınfekıonıst dárigeri Dınagúl Baeshovanyń sózinshe, ınfekııa juqtyrǵan bala vırýs taratýshyǵa aınalady. Sheteldik ǵalymdardyń "balalarda koronavırýs saldarynan sırek kezdesetin Kavasakı sındromy paıda bolýy múmkin" degen málimdemesine súıengen dáriger vırýsty balalarǵa ádeıilep juqtyrýdyń óte qaýipti ekenin aıtty.
Kavasakı sındromynyń aldyn alýdyń bir ǵana joly – balany koronavırýstan saqtaý: qoǵamdyq oryndarda maska taǵý, qoldy jıi sabyndap jýý, bólmeni jıi jeldetip turý, durys ári ýaqytyly tamaqtaný, balanyń ózgelermen baılanysqa túspeýin qadaǵalaý.
Dárigerler jumbaq sındromnan úreılenbeýge shaqyrady. Aýrýdy asqyndyryp almaý úshin aýrý belgileri baıqalǵanda balaǵa ártúrli dáriler men vırýsqa qarsy preparattardy ishkize bermeı, dereý dárigerge qaratý kerek.
Aıaýlym ÁBILDA,
“Adyrna” ulttyq portaly
