ەلىمىزدە كوپبالالى وتباسىلارعا الەۋمەتتىك كومەك و باستان كورسەتىلىپ كەلە جاتىر. جىلدان-جىلعا الەۋمەتتىك كومەك رەتىندە بولىنەتىن قاراجات تا ارتىپ كەلەدى. كوپبالالى انالارعابالا دۇنيەگە كەلگەندە بەرىلەتىن بىرجولعى جۇرگەكپۇلدان بولەك، ءار بالاعا اي سايىن جاردەماقى تولەنىپ, بارىنشا قولداۋ كورسەتىلىپ جاتىر. 2019 جىلى كوپبالالى وتباسىلاردى قولداۋ ماقساتىندا 365 ميلليارد قارجى تولەنىپ، پرەزيدەنت قاسىم-جومارت توقاەۆ كوپبالالى جانە تۇرمىستىق جاعدايى تومەن وتباسىلاردى قولداۋ جونىندەگى الەۋمەتتىك شارالاردى كۇشەيتۋدى تاپسىرعان بولاتىن.
قازان ايىندا وتكەن ۇكىمەت وتىرىسىنىڭ بىرىندە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ جاڭا جىلدان باستاپ تابىسى از جانە كوپبالالى وتباسىلاردىڭ 1 جاستان 6 جاسقا دەيىنگى بالالارىنا ارنالعان الەۋمەتتىك پاكەت جاسالاتىنىن ايتقان بولاتىن.
اتالمىش الەۋمەتتىك پاكەتكە نە كىرەدى?
بالالاردىڭ تاماقتانۋى، گيگيەنالىق زاتتار, بالالاردىڭ وي قيمىل دۇنيەسىن دامىتاتىنقۇرالدار. ال 6 جاستان 18 جاس ارالىعىنداعى بالالارعا مەكتەپ فورماسى مەن جولاقىسى تولەنىپ, مەكتەپتە تەگىن تاماق بەرىلەدى. ودان بولەك تابىسى از وتباسىلاردىڭ 18 جاسقا دەيىنگءىبالالارىنا مەملەكەت كەپىل بەرگەن تەگىن مەديتسينالىق كومەك كورسەتىلەدى.
ەندى قالاي بولماق؟
ەڭبەك جانە حالىقتى قورعاۋ ءمينيسترى ءبىرجان نۇرىمبەتوۆ 2020 جىلدىڭ 1 قاڭتارىنان باستاپ كوپبالالى وتباسىلارعا مەملەكەتتىك جاردەماقىنى تابىسىنا قاراماي ۇسىنعان بولاتىن. بىراق بۇل جاردەماقىنى الۋ ءۇشىن كوپبالالى وتباسىلاردى اتاۋلى الەۋمەتتىك كومەك الاتىنداردىڭ قاتارىنان شىعارۋ قاجەت ەكەن.
“بىز كوپبالالى انالاردىڭ مارتەبەچىن كوتەرىپ, ءال-اۋقاتىن جاقسارتۋدى كوزدەپ وتىرمىز. مەملەكەتتىك جاردەماقىنىڭ جاڭا ءتۇرى 42500 تەڭگەدەن 73370 تەڭگەگە دەيىن سارالانعان مولشەردە تاعايىندالادى”,-دەگەن ەدى مينيستر نۇرىمبەتوۆ.
ءمينستردىڭ ايتۋىنشا قازاقستاندا 340 مىڭنان استام كوپبالالى وتباسى بار. ال ول وتباسىلاردا ءبىر جارىم ميلليونعا جۋىق بالا تاربيەلەنەدى ەكەن.
كوپبالالى انالارىمىز ۇكىمەت بولگەن قارجىنى يەلەنىپ، الەۋمەتتىك كومەكتى كورىپ جاتىر ما؟
گۇلميرا جاقىپ: كوپبالالى انا:
-بىزگە مەملەكەت قولداۋ ءبىلدىرىپ جاتقانىنا قاتتى قۋانىشتىمىن. ەگەر وسى ۇكىمەت تاراپىنان كورسەتىلەتىن كومەك بولماسا بالالارىما اقشانى جەتكىزە الماي قينالاتىن ەدىك. بالا قاراپ ۇيدە وتىرۋىما بايلانىستى جۇمىسسىزبىن. جولداسىمنىڭ تاپقان تابىسى جالدامالى پاتەردە تۇرعاندىقتان سونى تولەۋگە كەتەدى. ال اي سايىن ءتۇسىپ وتىراتىن كومەكتىڭ ارقاسىندا تاماق پەن ءدارى-دارمەك الىپ وتىرمىز. ارينە، اسىپ-تاسىپ جاتپاساق تا جان ساۋعالاپ، كۇن كورۋگە بولادى.
اليما تورەبەكقىزى: كوپبالالى انا:
-مىنانداي قيىن زاماندا ءومىر ءسۇرۋ تىپتەن قيىن. جولداسىمنىڭ تاپقانى مەن ۇكىمەتتىڭ اي سايىنعى كومەگى ءىشىپ-جەمنەن ارتىلمايدى. الداعى وقۋ جىلىندا بالالارىم ۇيدە وتىرىپ وقيتىن بولدى. 1 ستۋدەنت پەن 3 مەكتەپ وقۋشىسىن تەحنيكامەن قالاي قامتيمىن دەگەن ۋايىم باسىم بولىپ تۇر. بۇل جولى دا ۇكىمەت ءبىر شەشىمىن تاۋىپ، ول جاعىنان دا كومەك كورسەتەتىنىنە سەنىمدىمىن. جىلدان جىلعا كورسەتىلەتىن قارجىلاي كومەك قىسقارماي كەرىسىنشە ۇستىنە قوسىلىپ جاتقانى كوڭىلگە قۋانىش سىيلايدى.
جاينا امانعاليەۆا: كوپبالالى، جالعىزباستى انا:
اسىراۋشىمىزدان ايىرىلىپ، قازىر 5 بالامەن جالعىزبىن. ۇكىمەت اقشالاي كومەك كورسەتەدى. بالالاردىڭ تاماعىنا جەتەدى. كەيدە ەرىكتىلەر دە كەلىپ ازىق-تۇلىك، بالالارعا ويىنشىق، تاتتىلەرىن اكەلىپ قۋانتىپ تۇرادى. سيرەك، ارا-اراسىندا اۋىلدىڭ بەلسەندىلەرى، ۇلكەن كىسىلەر دە قولدارىنان كەلگەنشە كومەكتەرىن ايامايدى. بارلىعىنا العىس بىلدىرەمىن. مەملەكەت ءبىزدى ۇمىتپادى. سىزدەر بەرگەن كومەك پەن قولداۋلارىڭىزدىڭ ارقاسىندا بالالارىم ءبىلىم الىپ، قاتارىنان قالماي كەلەدى. بولاشاقتا ەلىم دەيتىن ازامات بولىپ وسەتىنىنە سەنىمدىمىن.
اقىلگۇل تەمىرجانوۆا: كوپبالالى انا:
-بالالارىما ولاي دا، بىلاي دا كومەك كورسەتىلىپ جاتىر. مەملەكەتتىڭ قارجىلاي كومەگىنەن باسقا دا الەۋمەتتىك كومەكتەر كورسەتىلىپ جاتىر. وقۋ جىلىنىڭ باسىندا بالالارىما وقۋلىقتاردى قالاي الامىن دەپ ۋايىمدامايمىن. ءار جىل باسىندا بالالارىمدى كىتاپپەن ءبىرىنشى كەزەكتە قامتاماسىز ەتىپ وتىرادى. وقۋ كۇندەرى ۇلكەن ۇزىلىستە ىستىق تاماق ىشەدى. بۇلاردىڭ ءوزى ۇلكەن كومەك. وسىنىڭ اياسىندا جۇمىس ىستەپ جاتقان بارلىق جاندارعا ۇلكەن راقمەت!
لاۋرا تۇرسىنجان،
“ادىرنا” ۇلتتىق پورتالى
