ەل-ەلدىڭ بارىندە دەموگرافيانى جاقسارتۋ جانە بالالى وتباسىلاردى قولداۋ ماقساتىندا ارنايى الەۋمەتتىك كومەكتەر كورسەتىلەدى. مۇنداي كومەكتى ءار مەملەكەت ءوز الەۋەتىنە قاراي ءارتۇرلى دەڭگەيدە جۇزەگە اسىرادى. «ادىرنا» ۇلتتىق پورتالى بىرقاتار مەملەكەتتەردىڭ بالالى وتباسىلارعا ارنالعان الەۋمەتتىك كومەك سومالارىنا شولۋ جاساپ كوردى.
گەرمانيا
گەرمانيادا ءاربىر بالالى وتباسى اي سايىن جاردەماقى الادى. نەگىزگى شارت – بالا وسى وتباسىندا تۇرىپ، ونىڭ قاجەتىن وتەۋى كەرەك. قازىرگى كەزدە بۇل ەل ءبىرىنشى جانە ەكىنشى بالا ءۇشىن ارقايسىنا 204 ەۋرو تولەيدى. مەملەكەت اتا-اناعا بالا كامەلەت جاسىنا تولعانشا قولداۋ كورسەتەدى. ەگەر بالا ورتا ءبىلىمدى اياقتاپ، جوو-نىندا ءبىلىمىن جالعاستىرسا، ونىڭ 25 جاسىنا دەيىن جاردەماقى تولەۋ سوزىلۋى مۇمكىن. بالالار سانى وسكەن سايىنكەلەسى بالاعا تولەنەتىن جاردەماقى مولشەرى دە ارتادى. مەملەكەت اي سايىن ءۇشىنشى بالاعا – 210 ەۋرو، ال تورتىنشىسىنەن باستاپ – 235 ەۋرو تولەيدى. سونىمەن قاتار، بالالى وتباسىلار ءۇشىن تۇرعىن ءۇي سالۋ نەمەسە ساتىپ الۋعا الىنعان نەسيە سوماسىن ازايتۋعا جانە سالىق تولەۋ كەزىندە جەڭىلدىك الۋعا مۇمكىندىك بار.
فرانتسيا
فرانتسيادا بالالارعا ارنالعان جاردەماقىنەمىس قاعيداتى بويىنشا ەسەپتەلەدى. تەكجاردەماقى ەكىنشى بالادان باستاپ بەرىلەدى.مەملەكەت ەكى بالالى وتباسىعا – 120 ەۋرو، بەس بالالى وتباسىعا – 582 ەۋرو كولەمىندە جاردەم كورسەتەدى. بىراق بۇل ەلدە كەلەسى بالادان باستاپ جاردەماقى ازايىپ وتىرادى.
شۆەتسيا
ەۋروپانىڭ ەڭ گۇلدەنگەن ەلدەرىنىڭ ءبىرى – شۆەتسيادا بالاعا اي سايىنعى تولەم 120 ەۋرودان(كروننان ەۋروعا شاققاندا) باستالادى. ەكى بالاسى بار اتا-انانىڭ شوتىنا 251 ەۋرو تۇسەدى. شۆەتسيا فرانتسيا سەكىلدى كەلەسى بالالار ءۇشىن سومانى ازايتپاي، قايتا وسىرەدى.
ۇلىبريتانيا
ۇلىبريتانيادا بالالارعا ارنالعان جاردەماقىنى ءبولۋ كەرى باعىتتا جۇرەدى دەۋگە بولادى. مۇندا ءبىر بالا بولسا، وتباسى بيۋدجەتى اي سايىن – 90 فۋنتقا (105 ەۆرو) كوبەيىپ وتىرادى. ءاربىر كەلەسى بالا ءۇشىن اتا-انا ايىنا – 59 فۋنت (70 ەۆرو) الۋعا قۇقىلى. ەگەر وتباسىندا التى نەمەسە ودان دا كوپ بالا بولسا، ءار كەلەسى بالاعا جاردەماقى مولشەرى 35-50 ەۋروعا ارتىپ وتىرادى.
اۆستريا
مۇندا بالاعا بەرىلەتىن جاردەماقىنىڭ مولشەرى بالانىڭ جاسىنا سايكەس ۇلعايادى. بالا وسكەن سايىن سوعۇرلىم جاردەماقى دا كوبەيەدى. اۆستريالىق اتا-انالارعا 3 جاسقا دەيىنگى ءار بالاعا – 114 ەۆرو، 3-تەن 10 جاسقا دەيىنگى بالالارعا – 122 ەۆرو جانە 10-نان 18 جاسقا دەيىنگى بالالارعا – 142 ەۆرو بولىنەدى.
يتاليا ي يسپانيا
يتاليادا بالالارعا ارنالعان جاردەماقى اتا-انانىڭ جىلدىق تابىسىنا تىكەلەي تاۋەلدى، ايىنا شامامەن – 39 ەۋرونى قۇرايدى. يسپانيا اتا-انانىڭ تابىسى ورتاشا دەڭگەيدەن اسپاسا دا, ءاربالا ءۇشىن – 25 ەۆرو تولەءيدى. مۇگەدەك بالالار ءۇشىن تولەمدەر بۇدان جوعارى.
گرەك رەسپۋبليكاسى
ەۋروپالىق ستاندارتتار بويىنشا گرەك رەسپۋبليكاسى ازاماتتارى وتە كەدەي تۇرادى دەپ سانالادى. مەملەكەت تاراپىنان حالىققا كومەك وتە از جۇرگىزىلەدى. بۇل ەلدىڭ الەۋمەتتىك سالاسى تۇتاستاي العاندا قۇلدىراۋدا. گرەكياداعى العاشقى بالاعا بەرىلەتىن جاردەماقى – 5 ەۋرو. بۇل ءبىزدىڭ ەلىمىزدە دە وتە از كورسەتكىش. مەملەكەت ەكى بالاعا – 20 ەۋرو كولەمىندە «كومەك كورسەتۋگە» دايىن.
ليحتەنشتەين جانە ليۋكسەمبۋرگ
بالاعا تولەنەتىن جاردەماقى بويىنشا ەڭ جومارت مەملەكەت دەپ ەۋروپانىڭ ەڭ كىشكەنتاي ەلدەرىن ساناۋعا بولادى. ليحتەنشتەيندە مەملەكەتءار بالاعا ايىنا – 250 ەۋرو, ليۋكسەمبۋرگتە – 265 ەۆرو تولەيدى. سونىمەن قاتار، بالانىڭ جاسىنا بايلانىستى ونىڭ جاردەماقىسى دا ارتىپ وتىرادى.
وزبەكستان
ال كورشىمىز 14 جاسقا دەيىنگى بالالارى بار وتباسىلارعا: ەگەر جالعىز بالاسى بولسا – 131 مىڭ سۋم مولشەرىندە، ەكى بالا بولسا – 217 مىڭ سۋم، ءۇش نەمەسە ودان كوپ بالا بولسا – 304 مىڭ سۋم تولەنەدى. بالا 2 جاسقا تولعانعا دەيىن ونىڭ كۇتىمى ءۇشىن بەرىلەتىن جاردەماقى 434 مىڭ تەڭگەنى قۇرايدى.
قازاقستان
ءبىزدىڭ ەلىمىزدە جاردەماقى ءمولشەءرى بالا سانىنا قاراي ەسەپتەلەدى. بالا 1 جاسقا تولعانشا ونىڭ كۇتىمىنە بايلانىستى اي سايىن ءبىرىنشى بالاعا – 15 270 تەڭگە، ەكىنشىسىنە – 18 054 تەڭگە، ۇشىنشىسىنە – 20 811 تەڭگە، ءتورتىنشى بالاعا – 23 594 تەڭگە مولشەرىندە جورگەكپۇل تولەنەدى.
2020 جىلدىڭ 1 قاڭتارىنان باستاپ كوپبالالى وتباسىلارعا تابىسىنا قاراماستان جاڭا مەملەكەتتىك جاردەماقى تولەنىپ كەلەدى: 4 بالاسى بار وتباسىعا – 44 448 تەڭگە، 5 بالاعا – 53 مىڭ 125 تەڭگە، 6 بالاعا – 63 مىڭ 750 تەڭگە، 7 جانە ودان دا كوپ بالاعا – 77 784 تەڭگە تولەنءىپ كەلگەن. الايدا، 7 بالاعا دا، 16 بالاعا دا تولەنىپ كەلگەن 77 784 تەڭگە قيسىنسىز ەكەندىگىن ەسكەرە كەلىپ، مەملەكەت باسشىسى وسى جىلدىڭ 13 مامىرىندا 8 جانە ودان دا كوپ بالاسى بار وتباسىلارعا ارنايى جاردەماقى مولشەرىن بەلگىلەگەن زاڭعا قول قويدى. جاڭا زاڭعا سايكەس 8 بالالى وتباسى ءۇشىن – 88 896 تەڭگە، 9 بالاعا – 100 008 تەڭگە، 10 بالاعا – 111 120 تەڭگە، 11 بالاعا – 122 232 تەڭگە، 12 بالاعا – 133 344 تەڭگە، 13 بالاعا – 144 456 تەڭگە، 14 بالاعا – 155 568 تەڭگە، 15 بالاعا – 166 680 تەڭگە، 16 بالاعا – 177 792 تەڭگە مولشەرىندە جاردەماقى بەلگىلەندى. 1 شىلدەدەن باستاپ كوپبالالى وتباسىلار مولشەرى وزگەرتىلگەن جاردەماقىنى الا باستاعان.
قر ەڭبەك جانە حالىقتى الەۋمەتتىك قورعاۋ مينيسترلىگىءنىڭ دەرەگىنە سۇيەنسەك، كوپ بالالى وتباسىلارعا ارنالعان اتاۋلى الەۋمەتتىك كومەكتى جىل باسىنان بەرى 400 مىڭنان استام وتباسى العان.
ايجان پەردەبەكقىزى،
«ادىرنا» ۇلتتىق پورتالى
