رەسەي فەدەراتسياسى ۋكرايناداعى قاقتىعىستى ساياسي-ديپلوماتيالىق جولمەن رەتتەۋگە دايىن ەكەنى تۋرالى اقپارات تاراتتى، دەپ حابارلايدى "ادىرنا" ۇلتتىق پورتالى caliber-گە سىلتەپ.
بۇل تۋرالى رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا بريفينگ بارىسىندا ايتتى.
ونىڭ سوزىنشە، ماسكەۋ ۋكرايناداعى داعدارىستى ديپلوماتيالىق جولمەن شەشۋ ۇستانىمىنان ەشقاشان باس تارتپاعان.
ء«بىز ءوز تاراپىمىزدان ۋكرايناداعى داعدارىستى ساياسي-ديپلوماتيالىق جولمەن رەتتەۋگە دايىن ەكەنىمىزدى تاعى دا راستايمىز. ءبىز بۇل ۇستانىمنان ەشقاشان باس تارتقان جوقپىز. الايدا بۇل ءوزارا تۇسىنىستىككە، سونىڭ ىشىندە 2025 جىلعى تامىزدا الياسكادا قول جەتكىزىلگەن ۋاعدالاستىقتارعا نەگىزدەلۋى ءتيىس»، – دەدى ماريا زاحاروۆا.
رەسەي ءسىم وكىلىنىڭ ايتۋىنشا، ماسكەۋ قاقتىعىستى رەتتەۋگە قاتىستى ۇسىنىستار مەن باستامالاردى تالقىلاۋعا ءازىر.
ول رەسەيدىڭ ديپلوماتيالىق ديالوگتى جالعاستىرۋعا مۇددەلى ەكەنىن جانە ساياسي رەتتەۋ ماسەلەسى بويىنشا ءتۇرلى ۇسىنىستاردى قاراستىرۋعا دايىن ەكەنىن اتاپ ءوتتى.
ايتا كەتەيىك، ومبىدا رەسەي باسشىسى پۋتينمەن كەزدەسكەن قازاقستان پرەزيدەنتى قاسىم-جومارت توقاەۆ رەسەي مەن ۋكراينا اراسىنداعى قاقتىعىستى ۋاقىتشا توقتاتۋعا شاقىرىپ، ءوز ۇستانىمىن ايتقان ەدى.
