رەسەي ىشكى ىستەر مينيسترلىگى ۋكراينا پرەزيدەنتى ۆلاديمير زەلەنسكي مەن بىرنەشە شەنەۋنىكتەرگە ىزدەۋ جاريالادى، دەپ حابارلايدى "ادىرنا" ۇلتتىق پورتالى RTVI-عا سىلتەپ.
رەسمي دەرەكتەردە ىزدەۋدە جۇرگەندەر ۋكراينا باسشىسى زەلەنسكي، ونىڭ الدىنداعى پەتر پوروشەنكو، ۋكراينا قارۋلى كۇشتەرى قۇرلىقتاعى اسكەرلەرىنىڭ قولباسشىسى الەكساندر پاۆليۋك پەن ەلدىڭ بۇرىنعى قورعانىس ءمينيسترىنىڭ مىندەتىن اتقارۋشى - ۇلتتىق قورعانىس ۋنيۆەرسيتەتىنىڭ رەكتورى ميحايل كوۆال.
ءىىم ىزدەۋدە جۇرگەن دەرەكتەر بازاسىنداعى مالىمەتتە زەلەنسكي مەن پوروشەنكو قىلمىستىق ىستەر بويىنشا ىزدەۋدە. ىزدەۋدەگى تۇلعالاردىڭ قايدا ەكەنىن دحر بويىنشا ىشكى ىستەر مينيسترلىگىنىڭ دونەتسك قالالىق باسقارماسىنا حابارلاۋ ۇسىنىلادى.
"ىزدەۋگە" قاتىستى ۋكراينا بيلىگى دە جاۋاپ بەردى. ەلدىڭ سىرتقى ىستەر مينيسترلىگى زەلەنسكيدى ىزدەۋگە جاريالاۋ «رەسەي مەملەكەتتىك ماشيناسىنىڭ شاراسىزدىعىن جانە حالىقتىڭ نازارىن اۋدارۋ ءۇشىن تاعى قانداي جاڭالىق ويلاپ تابۋ كەرەكتىگىن بىلمەيتىن ۇگىت-ناسيحاتىنىڭ» ەكەنىن كورسەتەدى.
ۋكراينا پرەزيدەنتى كەڭسەسىنىڭ ءباسپاسوز حاتشىسى بۇل جاڭالىققا تۇسىنىكتەمە بەرىپ، رەسەي ىشكى ىستەر مينيسترلىگىنە «الدىمەن ار-وجدان مەن دۇرىس ءماندى» ىزدەۋگە كەڭەس بەردى.
