قازاقستان رەسپۋبليكاسىندا مۇگەدەكتەردi الەۋمەتتiك قورعاۋ تۋرالى زاڭ 2005 جىلدىڭ 13 ساۋىرىندە ەنگىزىلدى. بۇل زاڭنىڭ نەگىزگى ماقساتى - تاۋەلسىز ءومىر سالتى ءۇشىن جاعدايدى قامتاماسىز ەتۋ، ولاردىڭ قوعاممەن جان-جاقتى ارالاسۋى ءۇشىن مۇمكىندىكتەر جاساۋ، الەۋمەتتىك، مەديتسينالىق، قايىرىمدىلىق سىندى كومەك تۇرلەرىن جۇزەگە اسىرۋ، مۇگەدەكتىك دەڭگەيىن تومەندەتۋ.
قازىرگى تاڭدا ەلىمىزدە 698 مىڭ مۇمكىندىگى شەكتەۋلى ادام بار. ولاردىڭ قانداي قۇقىقتارى بار؟
قازاقستان رەسپۋبليكاسىندا مۇگەدەكتەر:
1) الەۋمەتتiك قورعاۋعا، سونىڭ iشiندە وڭالتۋعا، قوعامعا ەتەنە ارالاسۋعا;
2) الەۋمەتتiك ينفراقۇرىلىم وبەكتiلەرiنە كiرiپ-شىعۋىن قامتاماسىز ەتۋگە;
3) اقپاراتقا قول جەتكiزۋiن قامتاماسىز ەتۋگە;
4) بiلiم الۋعا، قىزمەت ءتۇرiن، سونىڭ iشiندە ەڭبەك قىزمەتi ءتۇرiن ەركiن تاڭداۋعا;
5) قازاقستان رەسپۋبليكاسىنىڭ زاڭناماسىندا بەلگiلەنگەن تارتiپپەن تەگiن مەديتسينالىق كومەكتiڭ كەپiلدiك بەرiلگەن كولەمiن الۋعا;
6) كاسiپتiك دايارلىققا جانە قايتا دايارلىققا، ەڭبەك قابiلەتiن قالپىنا كەلتiرۋگە جانە جۇمىسقا ورنالاسۋعا;
7) قازاقستان رەسپۋبليكاسىنىڭ تۇرعىن ءۇي زاڭناماسىنا سايكەس تۇرعىن ۇيگە;
8) مەملەكەتتiك جانە وزگە ۇيىمداردا، سونىڭ iشiندە دەنساۋلىق ساقتاۋ، مادەنيەت، بايلانىس، كولiك، قىزمەت كورسەتۋ سالاسىنداعى ۇيىمداردا بiرiنشi كەزەكتە قىزمەت كورسەتiلۋگە;
9) مۇگەدەكتەردiڭ شىعارماشىلىق قابiلەتتەرiن قولداۋعا ارنالعان قۇقىقتارىن قوسا العاندا، قازاقستان رەسپۋبليكاسىنىڭ كونستيتۋتسياسىمەن، قازاقستان رەسپۋبليكاسىنىڭ باسقا دا زاڭنامالىق اكتiلەرiمەن بەكiتiلگەن الەۋمەتتiك-ەكونوميكالىق جانە جەكە باسىنىڭ قۇقىقتارى مەن بوستاندىقتارىنا تولىعىمەن يە بولادى.
مۇگەدەكتەرگە الەۋمەتتىك كومەكتىڭ قانداي تۇرلەرى كورسەتىلەدى؟
كومەك تۇرلەرىن 3 توپقا جىكتەيمىز:
1)مەملەكەتتىك جاردەماقى، وتەماقى جانە باسقا دا تولەمدەر;
2)جەرگىلىكتى اتقارۋشى ورگاندارمەن كورسەتىلەتىن قوسىمشا الەۋمەتتىك تولەمدەر;
3)جۇمىس بەرۋشىلەردىڭ كورسەتەتىن قوسىمشا الەۋمەتتىك كومەك تۇرلەرى
2020 جىلدان باستاپ 2023 جىلعا دەيىنگى كەزەڭدە 8 وڭىردە جاڭا وڭالتۋ ورتالىقتارىن سالۋ جوسپارلانۋدا. قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆالداعى ۋاقىتتا ۇلكەن جۇمىستاردىڭ اتقارىلاتىنىن اتاپ ءوتتى: «ءبىز بۇگىن ۇلكەن زاڭعا كەلەمىز، الداعى جىلدارى مىنالار ءبىز ءۇشىن وتە ماڭىزدى بولىپ تابىلاتىندىعىن ايتقىم كەلەدى – بۇل مۇگەدەكتىگى بار ادامدار ءۇشىن، ولاردىڭ جۇمىسقا ورنالاسۋى مەن ەكونوميكالىق بەلسەندىلىگى ءۇشىن جاعداي جاساۋ. بۇل وتە ماڭىزدى ەلەمەنت. ءبىز زاڭ جوباسىندا بىرقاتار شارالاردى قاراستىرامىز»
مۇگەدەكتەر مەن ولارعا كۇتىم جاسايتىندارعا تولەنەتىن جاردەماقى
مۇگەدەكتىك بويىنشا جاردەماقىلار:
I توپتاعى مۇگەدەكتەرگە 59 872 تەڭگە (تومەن كۇنكورىس دەڭگەيىنىڭ 1,92 مولشەرى);
II توپتاعى مۇگەدەكتەرگە 47 710 تەڭگە (1,53 كد);
III توپتاعى مۇگەدەكتەرگە 32 431 تەڭگە (1,04 كد) تولەنەدى.
16 جاستان اسقان مۇگەدەك بالالارعا:
ءى توپقا — 59872 تەڭگە;
ءىى توپقا — 49581 تەڭگە;
ءىىى توپقا — 37420 تەڭگە مولشەرىندە تاعايىندالادى.
— مۇگەدەك بالانى تاربيەلەگەنى ءۇشىن — 43657 تەڭگە;
— بالا كەزىنەن ءى توپتاعى مۇگەدەك بالانىڭ كۇتىمى ءۇشىن — 43657 تەڭگە تولەنەدى.
ارنايى ينتەرنات-ۇيلەرگە جولداما الۋ
مۇمكىندىگى شەكتەۋلى بالا تاربيەلەيتىن وتباسى وعان مەديتسينالىق كۇتىم جاساۋ مەن وڭالتۋدىڭ، الەۋمەتتىك بەيىمدەلۋ جانە وقىتۋ ەرەكشەلىكتەرىنە بايلانىستى تۋىندايتىن قيىندىقتارعا تاپ بولادى. مۇگەدەك بالالارعا ەرەكشە ءتاسىل قاجەت بولعاندىقتان، مەملەكەت بالاعا مەديتسينالىق كومەك كورسەتۋ جانە الەۋمەتتىك بەيىمدەۋ كەزىندە ونىڭ اۋرۋ سيپاتى مەن اۋىرلىعى ەسەپكە الىناتىن ارنايى ينتەرنات-ۇيلەر قۇرعان.
الماتى قالاسىندا مۇقتاج ادامدارعا ستاتسيونارلىق جاعدايدا (ارنايى ينتەرنات-ۇيلەردە) ارناۋلى الەۋمەتتىك قىزمەتتەر كورسەتىلەدى:
پسيحونەۆرولوگيالىق اۋىتقۋلارى بار 3-تەن 18 جاستاعى مۇگەدەك بالالارعا;
تىرەك-قيمىل اپپاراتى بۇزىلعان 3-تەن 18 جاستاعى مۇگەدەك بالالارعا;
پسيحونەۆرولوگيالىق اۋرۋلارى بار ون سەگىز جاستان اسقان مۇگەدەكتەرگە;
ءبىرىنشى جانە ەكىنشى توپتاعى مۇگەدەكتەرگە.
ينتەرنات-ۇيگە جولداما الۋ ءۇشىن الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ مەملەكەتتىك قىزمەتتى تۇتىنۋشىنىڭ تىركەلۋ جەرى بويىنشا اۋداندىق بولىمىنە جۇگىنۋ قاجەت.
مۇگەدەكتاكسي
«مۇگەدەكتەرگە – لايىقتى ءومىر» جوباسى اياسىندا I جانە II توپتاعى مۇگەدەكتىگى بار مۇمكىندىگى شەكتەۋلى ادام تەگىن تاكسي قىزمەتىن پايدالانا الادى. بۇل ءۇشىن ارنايى تەلەفونمەن ديسپەتچەرلىك قىزمەتكە قوڭىراۋ شالىپ، بەلگىلى كۇنگە جانە ۋاقىتقا اۆتوموبيل شاقىرۋ قاجەت. سودان كەيىن كولىك كەلىپ، ادامدى الىپ كەتەدى، قاجەتتى ورىنعا تاعايىندالعان ۋاقىتتا تەگىن اپارادى جانە كەرى قايتىپ الىپ كەلەدى.
قازاقستان بويىنشا ديسپەتچەرلىك قىزمەتتىڭ تەلەفوندارى:
استانا ق. +7 (7172) 33-60-83
الماتى ق. +7 (727) 3466222 دوپ.201\202\203
اقتوبە ق. +7 (7132) 77-65-65, 24-36-39
اتىراۋ ق. +7 (7122) 36-68-42
جەزقازعان ق. +7 (7102) 77-30-80
قاراعاندى ق. +7 (7212) 43-10-67, 43-30-97, 43-36-52
كوكشەتاۋ ق. +7 (7162) 76-16-00
قوستاناي ق. +7 (7142) 50 33 49, 50 41 08, 50 44 38
قىزىلوردا ق. +7 (7242) 27-81-49
پاۆلودار ق. +7 (7182) 32-55-68
پەتروپاۆل ق. + 7 (7152) 39-76-87, 46-11-50
سەمەي ق. +7 (7222) 774-289
تالدىقورعان ق. + 7 (7282) 24-34-63
تاراز ق. +7 (7262) 451-545, 515-889
تەمىرتاۋ ق. +7 (3213) 91-45-42, 91-45-43
تۇركىستان ق. + 7 (725 33) 7-45-95
ورال ق. +7 (7112) 50-77-43, 50 05 06
وسكەمەن ق. +7 (7232) 22-42-64
شىمكەنت ق. +7 (7252) 43-32-30, 43-36-77
ەكىباستۇز ق. +7 (7187) 22 12 89, 75-47-85
ديانا اسان،
«ادىرنا» ۇلتتىق پورتالى
