Múgedekterge qandaı jaǵdaı jasalyp jatyr?

3193
Adyrna.kz Telegram

Qazaqstan Respýblıkasynda múgedekterdi áleýmettik qorǵaý týraly Zań  2005 jyldyń 13 sáýirinde engizildi. Bul zańnyń negizgi maqsaty - táýelsiz ómir salty úshin jaǵdaıdy qamtamasyz etý, olardyń qoǵammen jan-jaqty aralasýy úshin múmkindikter jasaý, áleýmettik, medıınalyq, qaıyrymdylyq  syndy kómek túrlerin júzege asyrý, múgedektik deńgeıin tómendetý.

Qazirgi tańda elimizde 698 myń múmkindigi shekteýli adam bar. Olardyń qandaı quqyqtary bar?
Qazaqstan Respýblıkasynda múgedekter:

   1) áleýmettik qorǵaýǵa, sonyń ishinde ońaltýǵa, qoǵamǵa etene aralasýǵa;

     2) áleýmettik ınfraqurylym obektilerine kirip-shyǵýyn qamtamasyz etýge;

     3) aqparatqa qol jetkizýin qamtamasyz etýge;

     4) bilim alýǵa, qyzmet túrin, sonyń ishinde eńbek qyzmeti túrin erkin tańdaýǵa;

     5) Qazaqstan Respýblıkasynyń zańnamasynda belgilengen tártippen tegin medıınalyq kómektiń kepildik berilgen kólemin alýǵa;

     6) kásiptik daıarlyqqa jáne qaıta daıarlyqqa, eńbek qabiletin qalpyna keltirýge jáne jumysqa ornalasýǵa;

     7) Qazaqstan Respýblıkasynyń turǵyn úı zańnamasyna sáıkes turǵyn úıge;

     8) memlekettik jáne ózge uıymdarda, sonyń ishinde densaýlyq saqtaý, mádenıet, baılanys, kólik, qyzmet kórsetý salasyndaǵy uıymdarda birinshi kezekte qyzmet kórsetilýge;

     9) múgedekterdiń shyǵarmashylyq qabiletterin qoldaýǵa arnalǵan quqyqtaryn qosa alǵanda, Qazaqstan Respýblıkasynyń Konstıtýııasymen, Qazaqstan Respýblıkasynyń basqa da zańnamalyq aktilerimen bekitilgen áleýmettik-ekonomıkalyq jáne jeke basynyń quqyqtary men bostandyqtaryna tolyǵymen ıe bolady.

Múgedekterge áleýmettik kómektiń qandaı túrleri kórsetiledi?

Kómek túrlerin 3 topqa jikteımiz:

1)Memlekettik járdemaqy, ótemaqy jáne basqa da tólemder;

2)Jergilikti atqarýshy organdarmen kórsetiletin qosymsha áleýmettik tólemder;

3)Jumys berýshilerdiń kórsetetin qosymsha áleýmettik kómek túrleri

2020 jyldan bastap 2023 jylǵa deıingi kezeńde 8 óńirde jańa ońaltý ortalyqtaryn salý josparlanýda. QR eńbek jáne halyqty áleýmettik qorǵaý mınıstri Birjan Nurymbetovaldaǵy ýaqytta úlken jumystardyń atqarylatynyn atap ótti: «Biz búgin úlken zańǵa kelemiz, aldaǵy jyldary mynalar biz úshin óte mańyzdy bolyp tabylatyndyǵyn aıtqym keledi – bul múgedektigi bar adamdar úshin, olardyń jumysqa ornalasýy men ekonomıkalyq belsendiligi úshin jaǵdaı jasaý. Bul óte mańyzdy element. Biz zań jobasynda birqatar sharalardy qarastyramyz»

Múgedekter men olarǵa kútim jasaıtyndarǵa tólenetin járdemaqy

Múgedektik boıynsha járdemaqylar:

I toptaǵy múgedekterge 59 872 teńge (tómen kúnkóris deńgeıiniń 1,92 mólsheri);

II toptaǵy múgedekterge 47 710 teńge (1,53 KD);

III toptaǵy múgedekterge 32 431 teńge (1,04 KD) tólenedi.

16 jastan asqan múgedek balalarǵa:

I topqa — 59872 teńge;

II topqa — 49581 teńge;

III topqa — 37420 teńge mólsherinde taǵaıyndalady.

— Múgedek balany tárbıelegeni úshin — 43657 teńge;

— Bala kezinen I toptaǵy múgedek balanyń kútimi úshin — 43657 teńge tólenedi.

Arnaıy ınternat-úılerge joldama alý

Múmkindigi shekteýli bala tárbıeleıtin otbasy oǵan medıınalyq kútim jasaý men ońaltýdyń, áleýmettik beıimdelý jáne oqytý erekshelikterine baılanysty týyndaıtyn qıyndyqtarǵa tap bolady. Múgedek balalarǵa erekshe tásil qajet bolǵandyqtan, memleket balaǵa medıınalyq kómek kórsetý jáne áleýmettik beıimdeý kezinde onyń aýrý sıpaty men aýyrlyǵy esepke alynatyn arnaıy ınternat-úıler qurǵan.

Almaty qalasynda muqtaj adamdarǵa staıonarlyq jaǵdaıda (arnaıy ınternat-úılerde) arnaýly áleýmettik qyzmetter kórsetiledi:

psıhonevrologııalyq aýytqýlary bar 3-ten 18 jastaǵy múgedek balalarǵa;

tirek-qımyl apparaty buzylǵan 3-ten 18 jastaǵy múgedek balalarǵa;

psıhonevrologııalyq aýrýlary bar on segiz jastan asqan múgedekterge;

birinshi jáne ekinshi toptaǵy múgedekterge.

Internat-úıge joldama alý úshin Almaty qalasynyń Jumyspen qamtý jáne áleýmettik baǵdarlamalar basqarmasynyń memlekettik qyzmetti tutynýshynyń tirkelý jeri boıynsha aýdandyq bólimine júginý qajet.

Múgedektaksı

«Múgedekterge – laıyqty ómir» jobasy aıasynda I jáne II toptaǵy múgedektigi bar múmkindigi shekteýli adam tegin taksı qyzmetin paıdalana alady. Bul úshin arnaıy telefonmen dıspetcherlik qyzmetke qońyraý shalyp, belgili kúnge jáne ýaqytqa avtomobıl shaqyrý qajet. Sodan keıin kólik kelip, adamdy alyp ketedi, qajetti orynǵa taǵaıyndalǵan ýaqytta tegin aparady jáne keri qaıtyp alyp keledi.

Qazaqstan boıynsha dıspetcherlik qyzmettiń telefondary:

Astana q. +7 (7172) 33-60-83

Almaty q. +7 (727) 3466222 dop.201\202\203

Aqtóbe q. +7 (7132) 77-65-65, 24-36-39

Atyraý q. +7 (7122) 36-68-42

Jezqazǵan q. +7 (7102) 77-30-80

Qaraǵandy q. +7 (7212) 43-10-67, 43-30-97, 43-36-52

Kókshetaý q. +7 (7162) 76-16-00

Qostanaı q. +7 (7142) 50 33 49, 50 41 08, 50 44 38

Qyzylorda q. +7 (7242) 27-81-49

Pavlodar q. +7 (7182) 32-55-68

Petropavl q. + 7 (7152) 39-76-87, 46-11-50

Semeı q. +7 (7222) 774-289

Taldyqorǵan q. + 7 (7282) 24-34-63

Taraz q. +7 (7262) 451-545, 515-889

Temirtaý q. +7 (3213) 91-45-42, 91-45-43

Túrkistan q. + 7 (725 33) 7-45-95

Oral q. +7 (7112) 50-77-43, 50 05 06

Óskemen q. +7 (7232) 22-42-64

Shymkent q. +7 (7252) 43-32-30, 43-36-77

Ekibastuz q. +7 (7187) 22 12 89, 75-47-85

 

Dıana ASAN,

«Adyrna» ulttyq portaly

 

Pikirler