سەگىز سالماق بويىنشا الەمنىڭ بۇرىنعى چەمپيونى فيليپپيندىك مەنني پاكياو (69-7-2, 39 كو) ورتا سالماقتاعى IBF جانە IBO بەلبەۋلەرىنىڭ يەگەرى قازاقستاندىق گەننادي گولوۆكينمەن (40-1-1, 35 كو) كەزدەسۋى مۇمكىن ەكەنىن ايتتى.
vesti.kz-ءتىڭ حابارلاۋىنشا، فيليپپينىك بوكسشى گولوۆكينمەن كەزدەسۋ ۇيىمداستىرۋ مۇمكىن ەكەنىن ايتتى. بىراق ءبىر تالابى بار ەكەن. ول قازاقستاندىق بوكسشىمەن تەك جارتىلاي ورتا سالماقتا، ياعني 147 فۋنتتا جەكپە-جەك وتكىزۋگە دايىن.
ايتا كەتەيىك، گولوۆكين ورتا سالماقتا، 160 فۋنتتا ونەر كورسەتەدى. فيليپيندىك بوكسشى ورتا سالماقتا كەزدەسۋ مۇمكىن ەمەس ەكەنىن ايتتى.
"ەگەر ول 147 فۋنتتا شىققىسى كەلسە، مەن دايىنمىن. بىراق ونىڭ سالماعى اۋىر بولسا، مەن كەلىسپەيمىن", - دەپ كەلتىرەدى پاكياونىڭ ءسوزىن The Manila Times.
"154 فۋنت؟ حممم. مۇنى ويلانۋ كەرەك. الايدا گولوۆكينمەن كەلىسسوز بولعان جوق", - دەدى ول.
ەسكە سالايىق، گولوۆكين ءوزىنىڭ كەلەسى كەزدەسۋىن قازان ايىندا وتكىزەدى. ول پولشالىق كاميل شەرەمەتاعا قارسى بەلبەۋىن قورعاۋ كەرەك. ال پاكياونىڭ كەلەسى كەزدەسۋىنە بايلانىستى جاڭالىق جوق.
