Pakıaonyń Golovkınmen kezdesý oıy bar

695

Segiz salmaq boıynsha álemniń burynǵy chempıony fılıppındik Mennı Pakıao (69-7-2, 39 KO) orta salmaqtaǵy IBF jáne IBO belbeýleriniń ıegeri qazaqstandyq Gennadıı Golovkınmen (40-1-1, 35 KO) kezdesýi múmkin ekenin aıtty.

vesti.kz-tiń habarlaýynsha, Fılıppınik boksshy Golovkınmen kezdesý uıymdastyrý múmkin ekenin aıtty. Biraq bir talaby bar eken. Ol qazaqstandyq boksshymen tek jartylaı orta salmaqta, ıaǵnı 147 fýntta jekpe-jek ótkizýge daıyn.

Aıta keteıik, Golovkın orta salmaqta, 160 fýntta óner kórsetedi. Fılıpıındik boksshy orta salmaqta kezdesý múmkin emes ekenin aıtty.

"Eger ol 147 fýntta shyqqysy kelse, men daıynmyn. Biraq onyń salmaǵy aýyr bolsa, men kelispeımin", - dep keltiredi Pakıaonyń sózin The Manila Times.

"154 fýnt? Hmmm. Muny oılaný kerek. Alaıda Golovkınmen kelissóz bolǵan joq", - dedi ol.

Eske salaıyq, Golovkın óziniń kelesi kezdesýin qazan aıynda ótkizedi. Ol polshalyq Kamıl Sheremetaǵa qarsy belbeýin qorǵaý kerek. Al Pakıaonyń kelesi kezdesýine baılanysty jańalyq joq.

Pikirler