بۇل تۋرالى اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان مالىمدەدى.
– قازىرگى تاڭدا قالادا ەپيدەميولوگيالىق جاعداي قالىپقا تۇسە باستادى. ماسەلەن، كەشە ءبىر كۇندە 437 ناۋقاس كوروناۆيرۋستان جازىلدى. ال جەدەل جاردەم قىزمەتىن شاقىرتۋ وتكەن ايلاردا 2320-عا دەيىن جەتسە، بۇگىندە ول 1200 شاقىرىلىمعا ازايدى. بۇل – بىلتىرعى جىلمەن سالىستىرعاندا 100 شاقىرتۋ عانا كوپ دەگەن ءسوز. قوسىمشا ايتا كەتسەم، جۇقپالى اۋرۋلارعا بايلانىستى پروۆيزورلى ورىندار مەن كۇندىزگى ستاتسيونارلاردا ەم الۋشىلار 77%-عا ازايدى. دەگەنمەن ءاردايىم احۋالدى باقىلاۋدا ۇستاۋ – ءبىزدىڭ باستى ماقسات. بۇل تۇرعىدا جۇيەلى جوسپارلارىمىز بار. مۇنىڭ «ا» نۇسقاسىنا توقتالسام، قازىرگى قالىپتى نورمادا 1420 توسەك-ورىندىق 10 پروۆيزورلى ستوتسيونار جانە 2 ينفەكتسيالىق اۋرۋحانا جۇمىس ىستەۋدە. ەگەر ناۋقاستار سانى كوبەيسە «ب» نۇسقاسىنا، ال احۋال تىم ۇشىقسا «س» نۇسقاسىنا كوشەمىز، – دەدى شىڭعىس جۇمابەكۇلى.
بريفينگ بارىسىندا قالا اكىمىنىڭ ءبىرىنشى ورىنباسارى جالپى، حالىققا قىزمەت كورسەتەتىن جۇمىستاردىڭ ساپاسىن كۇشەيتۋ ءۇشىن، ەڭ الدىمەن، قىزمەت كورسەتەتىن سول قىزمەتشىلەردىڭ سانا-سەزىمىن وزگەرتۋ قاجەت ەكەنىن جەتكىزدى. ياعني وسىنداي جۇيەلى وزگەرىس بولماي، ەشقانداي سالالاردا جەتىستىك بولمايتىنىن العا تارتتى.
شىمكەنت اقپاراتتىق-كوممۋنيكاتسيالىق ورتالىعى
فوتو – بەرەكە سەيىتجاپپار
