سالاۋاتتى ءومىر سالتىن ۇستانۋ - مىقتى دەنساۋلىقتىڭ كەپىلى. ەگەر ءسىز ءپىشىنىڭىزدى قالپىنا كەلتىرىپ، دەنساۋلىعىڭىزدى نىعايتقىڭىز كەلسە، بۇل ماقالا سىزگە ارنالادى. نازارلارىڭىزعا سالاۋاتتى ءومىر سالتىن ۇستانۋعا كومەكتەسەتىن تەگىن 10 ءموبيلدى قوسىمشانى ۇسىنامىز.
قانشا جۇگىرگەنىمىزدى ەسەپتەيمىز
Runkeeper - جۇگىرۋگە، ۆەلوسيپەد تەبۋگە جانە باسقا دا ءىس-شارالارعا ارنالعان تاماشا ءموبيلدى قوسىمشا. بۇل قوسىمشادا جاتتىعۋدىڭ بارلىق مالىمەتتەرى جازىلادى : مارشرۋت، قاشىقتىق، ورتاشا جىلدامدىق،ۋاقىت. ءسىز مۋزىكا تىڭداي وتىرا ، ءبىر ۋاقىتتا جۇرەك سوعۋ جيىلىگىن ولشەي الاسىز.
پلاتفورما: iOS, Android
ءپىشىنىمىزدى قالپىنا كەلتىرەمىز
Nike Training Club قوسىمشاسى ارقىلى ءپىشىنىڭىزدى جاقسارتا الاسىز.
جاي عانا كۇشتى، تونۋستى تاڭداۋ ارقىلى كوپتەگەن جاتتىعۋلارعا قول جەتكىزە الاسىز. ونى الەمدىك دەڭگەيدەگى Nike ترەنەرلەرى ارنايى دايىندادى. بۇل ەرەكشە جاتتىعۋلار ءسىزدىڭ فيتنەس ماقساتتارىڭىزعا جۇيەلى تۇردە جەتۋىڭىزگە كومەكتەسەدى.جاتتىعۋلاردان بولەك دۇرىس تاماقتانۋ تۋرالى كەڭەستەردى تاباسىز.
پلاتفورما: iOS, Android
كالوريالاردى سانايمىز
MyFitnessPal - قاراپايىم ءارى ەڭ ىڭعايلى كالوريا ساناۋشى.قوسىمشادا 3 ميلليوننان استام ەلەمەنتتەردىڭ مالىمەتتەر بازاسى بار. بۇل اقۋىزداردىڭ، مايلاردىڭ، كومىرسۋلاردىڭ، قانتتىڭ، تالشىقتاردىڭ جانە حولەستەريننىڭ قۇرامىن كورسەتەدى. ونىڭ باستى ەرەكشەلىگى - ءونىمدى ىزدەۋگە ارنالعان شتريح-كود سكانەرى. سونىمەن قاتار، MyFitnessPal-دا وزىندىك جاتتىعۋلار جيىنتىعى بار.
پلاتفورما: iOS, Android
قانشا سۋ ءىشتىڭىز؟
WaterBalance ءموبيلدى قوسىمشاسى قاي كەزدە سۋ ءىشۋ كەرەك ەكەنىن ەسكە سالىپ وتىرادى. بار بولعانى قوسىمشاعا سالماعىڭىزدى ەنگىزۋ كەرەكسىز . سول كەزدە ول اۆتوماتتى تۇردە قانشا ليتر سۋ ءىشۋ كەرەك ەكەنىڭىزدى انىقتايدى . ءاربىر ىشىلگەن ستاكان قوسىمشادا بەلگىلەنىپ وتىرۋى كەرەك، ال Waterbalance ىشىلگەن كولەمدى ساقتاپ الادى.
پلاتفورما: iOS, Android
تەمەكىدەن باس تارتامىز
ەگەر تەمەكى شەگۋدەن باس تارتقىڭىز كەلسە "بروساەم كۋريت" ءموبيلدى قوسىمشاسىن جازىپ الىڭىز. قوسىمشادا جامان ادەتتى تاستاۋعا سەپتىگىن تيگىزەتىن موتيۆاتسيالار بەرىلگەن. وندا 70-تەن استام اۋرۋ تۋرالى اقپارات، تەمەكى شەگۋشىنىڭ كالكۋلياتورى، تەستتەر، اڭگىمەلەر، فاكتىلەر، كەڭەستەر جانە اتاقتى ادامداردىڭ تەمەكى شەگۋ تۋرالى پىكىرلەرى بار.
پلوتفورما : Android
ءپۋلستى ولشەيمىز
Instant Heart Rate - بۇل تامىردىڭ سوعۋ جيىلىگىن ولشەۋگە كومەكتەسەتىن قوسىمشا. سىزگە ساۋساقتى كامەراعا قويۋ كەرەك، سول كەزدە ول قيمىل-قوزعالىستارىن سكانەرلەپ الادى. ناقتى ناتيجەنى انىقتاۋ ءۇشىن باعدارلاماعا بار بولعانى 10 سەكۋند قاجەت.
پلاتفورما: iOS, Android
اقىلدى وياتقىش
Alarmy ءموبيلدى قوسىمشاسى ۋاقىتىڭىزدى ءتيىمدى بولۋگە كومەكتەسەدى. ادامدى ۇيقىدان وياتۋدىڭ ەرەكشە تاسەلدەرىن قولدانادى. وياتقىشتى ءوشىرۋ ءۇشىن بەلگىلى ءبىر تاپسىرمانى ورىنداۋىڭىز قاجەت. سونىمەن قاتار ۇيىقتاپ كەتۋگە كومەكتەسىن اندەر بار.
پلاتفورما: iOS, Android
وتىرىپ تۇرۋ جاتتىعۋىن جاسايمىز
Street Workout جاتتىعۋلاردى سانايدى. بۇل جۇيەنى الداۋ مۇمكىن ەمەس . ءسىزدىڭ جەكە ورىس ءتىلدى جاتتىقتىرۋشىڭىز وتىرىپ تۇرعانىڭىزدى سەزىنەدى جانە ىس جۇزىندە قولداناتىن تاسىلدەردىڭ سانىن ەسەپتەي الادى.
پلاتفورما : iOS
جەكە جاتتىقتىرۋشى
Endomondo Running Cycling Walk - ءسىزدىڭ جەكە جاتتىقتىرۋشىڭىز. ول
ءسىزدىڭ جاتتىعۋلارىڭىزدى كوڭىلدى وتكىزۋ ءۇشىن ىنتالاندىرادى. وقىتۋ ناتيجەلەرى مەن كولەمىن تالدايدى، ءپۋلستى باقىلايدى.
پلاتفورما: iOS, Android
جاساعان قادامدارىڭىزدى ساناڭىز
Pedometer - وتكەن قاشىقتىقتى ەسەپتەۋگە ارنالعان ءموبيلدى قوسىمشا . ول ءسىزدىڭ كۇنىنە نەمەسە جەكە ۋاقىت كەزەڭىندە قانشا قادام جاساعانىڭىزدى ەسەپتەپ، قانشا كالوريا جويعانىڭىزدى كورسەتەدى. باعدارلامادا GPS بايلانىسى قولدانىلمايدى، ياعني بۇل قىزمەت جۇمىس ىستەپ تۇرعان كەزدە گادجەتتىڭ باتارەياسى ءىس جۇزىندە تاۋسىلمايدى.
پلاتفورما: iOS, Android
ديانا اسانوۆا،
«ادىرنا» ۇلتتىق پورتالى
