Salaýatty ómir saltyn ustanýǵa kómektesetin 10 mobıldi qosymsha

3299
Adyrna.kz Telegram

Salaýatty ómir saltyn ustaný - myqty densaýlyqtyń kepili. Eger siz pishinińizdi qalpyna keltirip, densaýlyǵyńyzdy nyǵaıtqyńyz kelse, bul maqala sizge arnalady.  Nazarlaryńyzǵa salaýatty ómir saltyn ustanýǵa kómektesetin tegin 10 mobıldi qosymshany usynamyz.

Qansha júgirgenimizdi esepteımiz

Runkeeper - júgirýge, velosıped tebýge jáne basqa da is-sharalarǵa arnalǵan tamasha mobıldi qosymsha. Bul qosymshada jattyǵýdyń barlyq málimetteri jazylady : marshrýt, qashyqtyq, ortasha jyldamdyq,ýaqyt. Siz mýzyka tyńdaı otyra , bir ýaqytta júrek soǵý jıiligin ólsheı alasyz.

Platforma: iOS, Android

Pishinimizdi qalpyna keltiremiz

Nike Training Club qosymshasy arqyly pishinińizdi jaqsarta alasyz.

Jaı ǵana  kúshti, tonýsty tańdaý arqyly kóptegen jattyǵýlarǵa qol jetkize alasyz. Ony álemdik deńgeıdegi Nike trenerleri arnaıy daıyndady. Bul erekshe jattyǵýlar sizdiń fıtnes maqsattaryńyzǵa júıeli túrde jetýińizge kómektesedi.Jattyǵýlardan bólek  durys tamaqtaný týraly keńesterdi tabasyz.

Platforma: iOS, Android

Kalorııalardy sanaımyz

MyFitnessPal - qarapaıym ári eń yńǵaıly kalorııa sanaýshy.Qosymshada 3 mıllıonnan astam elementterdiń málimetter bazasy bar. Bul aqýyzdardyń, maılardyń, kómirsýlardyń, qanttyń, talshyqtardyń jáne holesterınniń quramyn kórsetedi. Onyń basty ereksheligi - ónimdi izdeýge arnalǵan shtrıh-kod skaneri. Sonymen qatar, MyFitnessPal-da ózindik jattyǵýlar jıyntyǵy bar.

Platforma: iOS, Android

Qansha sý ishtińiz?

WaterBalance mobıldi qosymshasy qaı kezde sý ishý kerek ekenin eske salyp otyrady. Bar bolǵany qosymshaǵa salmaǵyńyzdy engizý kereksiz . Sol kezde ol avtomatty túrde qansha lıtr sý ishý kerek ekenińizdi anyqtaıdy . Árbir ishilgen stakan qosymshada belgilenip otyrýy kerek, al Waterbalance ishilgen kólemdi saqtap alady.

Platforma: iOS, Android

Temekiden bas tartamyz

Eger temeki shegýden bas tartqyńyz kelse  "Brosaem kýrıt" mobıldi qosymshasyn jazyp alyńyz. Qosymshada jaman ádetti tastaýǵa septigin tıgizetin motıvaııalar berilgen.  Onda 70-ten astam aýrý týraly aqparat, temeki shegýshiniń kalkýlıatory, testter, áńgimeler, faktiler, keńester jáne ataqty adamdardyń temeki shegý týraly pikirleri bar.

Plotforma : Android

Pýlsti ólsheımiz

Instant Heart Rate - bul tamyrdyń soǵý jıiligin ólsheýge kómektesetin qosymsha. Sizge  saýsaqty kameraǵa qoıý kerek, sol kezde ol qımyl-qozǵalystaryn skanerlep alady. Naqty nátıjeni anyqtaý úshin baǵdarlamaǵa bar bolǵany 10 sekýnd qajet.

Platforma: iOS, Android

Aqyldy oıatqysh

Alarmy mobıldi qosymshasy ýaqytyńyzdy tıimdi bólýge kómektesedi. Adamdy uıqydan oıatýdyń erekshe táselderin qoldanady. Oıatqyshty óshirý úshin belgili bir tapsyrmany oryndaýyńyz qajet. Sonymen qatar uıyqtap ketýge kómektesin ánder bar.

Platforma: iOS, Android

Otyryp turý jattyǵýyn jasaımyz

Street Workout jattyǵýlardy sanaıdy. Bul júıeni aldaý múmkin emes . Sizdiń jeke orys tildi jattyqtyrýshyńyz otyryp turǵanyńyzdy sezinedi jáne  is júzinde qoldanatyn tásilderdiń sanyn esepteı alady.

Platforma : iOS

Jeke jattyqtyrýshy

Endomondo Running Cycling Walk - sizdiń jeke jattyqtyrýshyńyz. Ol

sizdiń jattyǵýlaryńyzdy kóńildi  ótkizý úshin yntalandyrady. Oqytý nátıjeleri men kólemin taldaıdy, pýlsti baqylaıdy.

Platforma: iOS, Android

Jasaǵan qadamdaryńyzdy sanańyz

Pedometer -  ótken qashyqtyqty esepteýge arnalǵan mobıldi qosymsha . Ol sizdiń  kúnine nemese jeke ýaqyt kezeńinde qansha qadam jasaǵanyńyzdy  eseptep, qansha kalorııa joıǵanyńyzdy kórsetedi. Baǵdarlamada GPS baılanysy qoldanylmaıdy, ıaǵnı bul qyzmet jumys istep turǵan kezde gadjettiń batareıasy is júzinde taýsylmaıdy.

Platforma: iOS, Android

Dıana ASANOVA,
«Adyrna» ulttyq portaly

 

Pikirler