«اق جول» دەموكراتيالىق پارتياسىنىڭ دەپۋتاتتارى دەنساۋلىق ساقتاۋ مينيسترلىگىنەن "سك-فارماتسيانىڭ" جەكە دارىحانالارمەن جۇمىس ىستەۋىن جانە وڭىرلەر مەن شاعىن قالالاردى ءدارى-دارمەكتەرمەن جابدىقتاۋىن ۇيىمداستىرۋدى مىندەتتەۋدى تالاپ ەتتى. بۇل تۋرالى "ادىرنا" ۇلتتىق پورتالى "اق جول" دەموكراتيالىق پارتياسىنىڭ ءباسپاسوز قىزمەتىنە سىلتەمە جاساپ حابارلايدى.
«اق جول» دەموكراتيالىق پارتياسىنىڭ دەپۋتاتتارى دەنساۋلىق ساقتاۋ مينيسترلىگىنەن «سك-فارماتسيا» جاۋاپكەرشىلىگى شەكتەۋلى سەرىكتەستىگىنىڭ جەكە دارىحانالارمەن جۇمىس ىستەۋىن جانە وڭىرلەر مەن شاعىن قالالارعا ءدارى-دارمەكتەردى جابدىقتاۋىن ۇيىمداستىرۋدى مىندەتتەۋدى تالاپ ەتتى. ازات پەرۋاشەۆ مينيستر الەكسەي تسويدىڭ اتىنا ءتيىستى حات جولدادى.
«قوعامدا ءدارىحانالاردا كەرەكتى ءدارى-دارمەكتەردىڭ جەتىسپەۋشىلىگىنە بايلانىستى ورىندى اشۋلى سوزدەر ايتىلۋدا. مەملەكەت باسشىسىنىڭ نەگىزدى سىنىنان كەيىن جانە «سك-فارماتسيا» باسشىلىعى اۋىستىرىلعان سوڭ وسى باعىتتا احۋال بىرتىندەپ قالپىنا كەلۋدە. دەگەنمەن دە وڭىرلەردە، اسىرەسە جەكە ءدارىحانالار مەن اۋرۋحانالاردى ءدارى-دارمەكتەرمەن جابدىقتاۋدا پروبلەمالار ساقتالۋدا» دەلىنگەن حاتتا.
«اق جول» دەپۋتاتتارىنىڭ وڭىرلەرگە جۇمىس ساپارى بارىسىندا تۇرعىندارمەن، مەديتسينالىق جانە فارموكولوگيالىق مەكەمەلەردىڭ قىزمەتكەرلەرىمەن كەزدەسۋلەر وتكىزىلۋدە. ساپارلار بارىسىندا تۇرعىندار ءدارىحانالاردىڭ ءدارى-دارمەكتەرمەن جابدىقتالۋىنىڭ ناشارلىعىن ايتۋدا. ءدارىحانالاردىى كىرە بەرىسىندە: «پاراتسەتومول، اسپيرين، ليدوكاين، تسەفازولين، اسكوربين قىشقىلى (جانە ت.ب.) جوق» دەگەن جازۋلار ىلىنگەن.
«جەكە ءدارىحانالاردىڭ باسشىلارى «سك-فارماتسيا» تەك قانا مەملەكەتتىك مەكەمەلەردى جابدىقتايتىنى تۋرالى مالىمدەمەلەرىنەن كەيىن، اسىرەسە وتە مۇقتاج ءدارى-دارمەكتەردىڭ قويمالاردا تولىپ تۇرعانى تۋرالى حابارلاردى ەستىپ، ولاردىڭ بەلگىسىز سەبەپتەرمەن دارىحانالارعا تۇسپەيتىنى جانە ادامدارعا، وڭىرلەر مەن شاعىن قالالارعا جەتپەيتىنىنە اشۋلى. ءدارىحانالار سۇرانىستى قاناعاتتاندىرۋ ءۇشىن كەرەكتى ەمدىك ءدارى-دارمەكتەردى كەز-كەلگەن جابدىقتاۋشىدان ساتىپ الۋعا دايىن ەكەندەرىن ايتادى» - دەيدى ازات پەرۋاشەۆ ءوزىنىڭ حاتىندا.
سونىمەن بىرگە، «اقجولدىقتار» اۋرۋحانا پاتسيەنتتەرى، ونىڭ ىشىندە وكپەنىڭ قابىنۋىمەن تۇسكەندەر تەگىن مەديتسينالىق كومەك كورسەتۋ كولەمى بارلىق دارىلەردىڭ شىعىنىن جابا المايتىنىنا، ولاردىڭ ءدارى-دارمەكتىڭ جارتىسىن وزدەرى ساتىپ الاتىنىنا شاعىمدانۋدا. تابىس دەڭگەيىنىڭ تومەندەۋىمەن جانە ءدارى-دارمەكتەر باعاسىنىڭ وسۋىنە بايلانىستى وسى شىعىنداردى كوپتەگەن ازاماتتاردىڭ جابۋعا مۇمكىندىكتەرى جوق.
سونىمەن قاتار، اۋىل تۇرعىندارى قالالارعا جانە اۋدان ورتالىقتارىنا تاعايىندالماعان دارىلەر ءۇشىن كەلەدى، ال ءدارىحانالار بولسا دارىگەر رەتسەپتىسىز ولارعا ساتپايدى. قالالىق اۋرۋحانالاردا اۋىلدىقتاردى قابىلدامايدى، تيىسىنشە دارىگەرلىك ەمدەۋ جانە ءدارى-دارمەكتەر تاعايىندامايدى. تۇيىق شەڭبەر. ولار ءبىزدىڭ ازاماتتارىمىز جانە ولاردىڭ ءومىرى مەن دەنساۋلىقتارى كونستيتۋتسيامەن باستى قۇندىلىقتار دەپ انىقتالعان، ولاردىڭ دەنساۋلىقتارىن قورعاۋعا مەملەكەتتىك ورگاندار جاۋاپ بەرۋى ءتيىس.
وسىعان بايلانىستى، «اق جول» فراكتسياسىنىڭ دەپۋتاتتارى:
1) «سك-فارماتسيا» جشس-ءىن مەملەكەتتىك مەكەمەلەردەن تىس جەكە ءدارىحانالار مەن اۋرۋحانالاردى (اقىلى نەگىزدە) ولاردىڭ سۇرانىستارىنا قاراي ءدارى-دارمەكتەرمەن جابدىقتاۋدى مىندەتتەۋدى;
2) COVID-19 جانە وكپە قابىنۋىن ەمدەۋ شىعىندارىن مىندەتتى الەۋمەتتىك جانە مەديتسينالىق ساقتاندىرۋ قورى ەسەبىنەن تولىق جابۋ ارقىلى گوبمپ كەڭەيتۋ تۋرالى ماسەلەنى قاراستىرۋدى;
3) جەرگىلىكتى دەنساۋلىق ساقتاۋ باسقارمالارىنا اۋىلدىق جەرلەردەگى ەلدى-مەكەندەردە نەمەسە وبلىستىق جانە اۋداندىق ورتالىقتارىندا ءىرى ءدارىحانالار قاسىندا (اۋىل تۇرعىندارىن حابارلاۋمەن) شاعىن تەراپەۆتىك بەكەتتەردى ۇيىمداستىرۋدى نەمەسە قالا اۋرۋحانالارىندا ەم تاعايىنداۋ مەن كەرەكتى ءدارى-دارمەكتەرگە رەتسەپت الۋ ءۇشىن اۋىل ادامدارىن قابىلداۋعا رۇقسات ەتۋدى سۇرايدى.
"ادىرنا" ۇلتتىق پورتالى
