شىمكەنت قالاسىندا وسى جىلدىڭ ءبىرىنشى جارتىجىلدىعىندا اۋىل شارۋاشىلىعىنىڭ جالپى ءونىم كولەمى 14.7 ملرد. تەڭگەنى قۇرادى. بۇل وتكەن جىلدىڭ ءتيىستى كەزەڭىمەن سالىستىرعاندا 3,7 پايىزعا ارتىق. اۋىل شارۋاشىعى ءونىمىنىڭ ءوسۋ قارقىنى بويىنشا شىمكەنت قالاسى رەسپۋبليكا بويىنشا ءبىرىنشى ورىندا. بۇل تۋرالى اۋىل شارۋاشىلىعى جانە ۆەتەريناريا باسقارماسىنىڭ ماماندارى حابارلادى.
باسقارما ماماندارىنىڭ سوزىنشە، اۋىل شارۋاشىلىعى سالاسىن دامىتۋ باعىتىندا جۇيەلى جۇمىستاردى جۇرگىزۋ مەن مەملەكەتتىك قولداۋدىڭ ناتيجەسىندە اۋىل شارۋاشىلىعىنىڭ جالپى ءونىم كولەمى ارتقان. وندىرىلگەن ءونىم كولەمىنىڭ ىشىندە ەگىن شارۋاشىلىعى 1,6 ملرد. تەڭگەنى قۇراسا، مال شارۋاشىلىعى 12 ملرد. تەڭگەگە جەتكەن.
اگروونەركاسىپ كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا 4 217,3 ملن. تەڭگە ءبولىنىپ، 8 باعدارلاما بويىنشا اۋىل شارۋاشىلىعى تاۋار وندىرۋشىلەرىنە قولداۋ كورسەتىلىپ كەلەدى. ەسەپ بەرۋ كەزەڭىندە ونىڭ 992,3 ملن. تەڭگەسى يگەرىلگەن.
ايتا كەتەيىك، اعىمداعى جىلدىڭ I-توقسانىندا اۋىل شارۋاشىلىعى سالاسىندا 6 مىڭنان استام ادام جۇمىس جاساعان.
شىمكەنت
