Shymkent aýyl sharýashylyǵy óniminiń ósimi boıynsha respýblıkada birinshi orynda

2077
Adyrna.kz Telegram

Shymkent qalasynda osy jyldyń birinshi jartyjyldyǵynda aýyl sharýashylyǵynyń jalpy ónim kólemi 14.7 mlrd. teńgeni qurady. Bul ótken jyldyń tıisti kezeńimen salystyrǵanda 3,7 paıyzǵa artyq. Aýyl sharýashyǵy óniminiń ósý qarqyny boıynsha Shymkent qalasy respýblıka boıynsha birinshi orynda. Bul týraly aýyl sharýashylyǵy jáne veterınarııa basqarmasynyń mamandary habarlady.

Basqarma mamandarynyń sózinshe, aýyl sharýashylyǵy salasyn damytý baǵytynda júıeli jumystardy júrgizý men memlekettik qoldaýdyń nátıjesinde aýyl sharýashylyǵynyń jalpy ónim kólemi artqan. Óndirilgen ónim kóleminiń ishinde egin sharýashylyǵy 1,6 mlrd. teńgeni qurasa, mal sharýashylyǵy 12 mlrd. teńgege jetken.

Agroónerkásip keshenin damytýdyń 2017-2021 jyldarǵa arnalǵan memlekettik baǵdarlamasy aıasynda 4 217,3 mln. teńge bólinip, 8 baǵdarlama boıynsha aýyl sharýashylyǵy taýar óndirýshilerine qoldaý kórsetilip keledi. Esep berý kezeńinde onyń 992,3 mln. teńgesi ıgerilgen.
Aıta keteıik, aǵymdaǵy jyldyń I-toqsanynda aýyl sharýashylyǵy salasynda 6 myńnan astam adam jumys jasaǵan.

Shymkent 

Pikirler