شىمكەنتتىك كاسىپكەرلەر مەديتسينا ۇيىمدارىنا تاعى دا تارتۋ جاسادى. مەديتسينالىق جابدىقتار مەن جيھازداردىڭ وتاندىق ءوندىرۋشىسى «Medcomfort» جشس-ءنىڭ قۇرىلتايشىلارى كاتاشوۆ داۋلەت پەن قارسىباەۆ ءادىلحان بيزنەستىڭ الەۋمەتتىك جاۋاپكەرشىلىگى اياسىندا ءوز قاراجاتى ەسەبىنەن قالاداعى بىرنەشە مەديتسينا ۇيىمدارىن قاجەتتى مەديتسينالىق جابدىقتارمەن قامتاسىز ەتتى. بۇل تۋرالى دەنساۋلىق ساقتاۋ باسقارماسىنىڭ ءباسپاسوز حاتشىسى حابارلادى.
ولار كوروناۆيرۋس ينفەكتسياسىنا جانە پنەۆمونيا اۋرۋىنا شالدىققان ناۋقاستاردى ەمدەيتىن پروۆيزورلىق ستانتسيونارلارعا، ياعني، قالالىق جۇقپالى اۋرۋلار اۋرۋحاناسىنا 1 دانا «ەلەكتروكارديوگروف»، 5 دانا «پۋلكوسيمەتر» اپپاراتتارى مەن 10 دانا جىلجىمالى باكتەريتسيدتى ساۋلەلەندىرۋ قۇرىلعىلارى، 2 دانا رەانيماتسياعا ارنالعان ناۋقاستار تاسىمالدايتىن اربالار تابىس ەتىلدى.
سونداي-اق كاسىپكەرلەر پنەۆمونيا اۋرۋىنا شالدىققان اۋىر حالدەگى ناۋقاستاردى ەمدەيتىن №2 قالالىق اۋرۋحاناعا قاراستى پروۆيزورلىق بولىمشەلەرگە 200 دانا مەديتسينالىق كەرۋەرت تابىستادى.
ايتا كەتەيىك، كارانتين كەزىندە اتالعان سەرىكتەستىكتىڭ دەمەۋشىلىگىمەن مەديتسينا ۇيىمدارىنا بارلىعى 10 ملن. تەڭگەگە جۋىق كومەك كورسەتىلگەن.
شىمكەنت
