بيىل شىمكەنت قالاسىندا 6000 ورىندىق توعىز مەكتەپ پايدالانۋعا بەرىلەدى. ونىڭ بەسەۋى جاڭا مەكتەپ بولسا، ۇشەۋى قوسىمشا كۇردەلى جوندەۋدەن وتەدى. بۇلاردىڭ قاتارىندا بەكەت باتىر-تاشەنوۆ كوشەلەرىنىڭ قيىلىسىندا ورنالاسقان 1 ونەر مەكتەبى دە بار.
ناتيجەسىندە، اپاتتى مەكتەپتەر سانى 2-دەن 1-گە، ءۇش اۋىسىمدى مەكتەپتەر سانى 19-دان 14-كە ازايادى.
جالپى 2020 جىلى قالادا 13 ءبىلىم نىسانىنىڭ قۇرىلىسى جۇرسە، ونىڭ ىشىندە 4 مەكتەپ قۇرىلىسى كەلەر جىلعا وتپەلى. كارانتيندىك شەكتەۋلەرگە قاراماستان شىمكەنتتە سالىنىپ جاتقان الەۋمەتتىك نىساندار قۇرىلىسى كەستەگە ساي جۇرگىزىلۋدە. نىسانداردىڭ قۇرىلىسىنا 620 جۇمىسشى جۇمىلدىرىلعان.
سونىمەن قاتار شىمكەنت قالاسىنىڭ ءبىلىم ۇيىمدارىندا اعىمداعى جوندەۋ اياقتالىپ، 15 مەكەمەدە كۇردەلى جوندەۋ، 17 مەكەمەدە سپورت الاڭدارى جانە 36 مەكتەپكە ىشكى اجەتحانالار ورناتىلىپ ىسكە قوسىلدى. ال مەكتەپ پارتالارى 18 000-عا جاڭارىپ، سوڭعى ۇلگىدەگى بەينە باقىلاۋ كامەرالارى مەن 30 مەكتەپكە تۋرنيكەتتەر ورناتۋ جوسپارلانۋدا.
شىمكەنت
