Bıyl Shymkent qalasynda 6000 oryndyq toǵyz mektep paıdalanýǵa beriledi. Onyń beseýi jańa mektep bolsa, úsheýi qosymsha kúrdeli jóndeýden ótedi. Bulardyń qatarynda Beket batyr-Tashenov kósheleriniń qıylysynda ornalasqan 1 óner mektebi de bar.
Nátıjesinde, apatty mektepter sany 2-den 1-ge, úsh aýysymdy mektepter sany 19-dan 14-ke azaıady.
Jalpy 2020 jyly qalada 13 bilim nysanynyń qurylysy júrse, onyń ishinde 4 mektep qurylysy keler jylǵa ótpeli. Karantındik shekteýlerge qaramastan Shymkentte salynyp jatqan áleýmettik nysandar qurylysy kestege saı júrgizilýde. Nysandardyń qurylysyna 620 jumysshy jumyldyrylǵan.
Sonymen qatar Shymkent qalasynyń bilim uıymdarynda aǵymdaǵy jóndeý aıaqtalyp, 15 mekemede kúrdeli jóndeý, 17 mekemede sport alańdary jáne 36 mektepke ishki ájethanalar ornatylyp iske qosyldy. Al mektep partalary 18 000-ǵa jańaryp, sońǵy úlgidegi beıne baqylaý kameralary men 30 mektepke týrnıketter ornatý josparlanýda.
Shymkent
