بۇگىن ۇلىتاۋ وبلىسىنىڭ اكىمى داستان رىسپەكوۆتىڭ توراعالىعىمەن ۇلىتاۋ وبلىسى اكىمدىگى جانىنداعى جاستار ىستەرى جونىندەگى كەڭەس وتىرىسى ءوتتى.
كەڭەس وتىرىسىنا وبلىستىق باسقارما باسشىلارى، قالا اكىمدەرى، جاستار ۇيىمدارىنىڭ وكىلدەرى مەن كەڭەس مۇشەلەرى قاتىستى.
جيىن بارىسىندا جاستار ساياساتى سالاسىنداعى احۋال، جاستاردى جۇمىسپەن قامتۋ جانە جەزقازعان مەن ساتباەۆ قالالارىنداعى جاستار ىستەرى جونىندەگى كەڭەستەردىڭ جۇمىسى قارالدى.
قوعامدىق دامۋ باسقارماسىنىڭ باسشىسى باقىتجان جايلاۋباەۆ ءوز بايانداماسىندا 2023–2024 جىلدارى جۇزەگە اسىرىلىپ جاتقان «Ulytau zhastary» تۇرعىن ءۇي باعدارلاماسىنا توقتالدى. ونىڭ ايتۋىنشا، باعدارلاما اياسىندا وبلىستىق بيۋدجەتتەن جىل سايىن 500 ملن تەڭگە بولىنەدى. سونىمەن قاتار، باسقارما باسشىسى NEET ساناتىنداعى جاستاردىڭ ۇلەسى 10,4%-دى (5864 ادام) قۇراپ وتىرعانىن مالىمدەدى. بۇل – رەسپۋبليكا بويىنشا ەڭ جوعارى كورسەتكىشتەردىڭ ءبىرى. اتالعان ساناتتى تومەندەتۋ بويىنشا كەشەندى شارالار قولعا الىنۋدا.
كەڭەس اياسىندا جاستاردى جۇمىسقا ورنالاستىرۋ باعىتىندا جۇزەگە اسىرىلىپ جاتقان جوبالار تۋرالى ايتىلدى. بۇل تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قۇرمەت ساتتىباەۆ باياندادى. ونىڭ ىشىندە «جاستار تاجىريبەسى»، «العاشقى جۇمىس ورنى» جانە «كۇمىس جاس» باعدارلامالارى بويىنشا ناقتى كورسەتكىشتەر ايتىلدى.
جەزقازعان قالاسىنىڭ اكىمى قايرات ابدوللاۇلى شايجانوۆ قالالىق جاستار رەسۋرستىق ورتالىعىنىڭ جۇمىسى مەن قۇرىلىمىنا توقتالىپ، 2024 جىلدان بەرى اتقارىلعان جۇمىستار جايلى باياندادى. سونىمەن قاتار، ورتالىقتىڭ بيۋدجەتى مەن قىزمەتكەرلەر سانى تۋرالى ناقتى دەرەكتەر ۇسىنىلدى.
2025 جىلدىڭ «جۇمىسشى ماماندىقتار جىلى» دەپ جاريالانۋىنا بايلانىستى جاستار اراسىندا جۇمىسشى كاسىپتەردى ناسيحاتتاۋ تۋرالى ءسوز قوزعالدى.
ساتباەۆ قالاسىنىڭ اكىمى مۇرات بورىباەۆ ءوز كەزەگىندە بويىنشا جۇرگىزىلىپ جاتقان ءىس-شارالارمەن ءبولىستى.
كەڭەس سوڭىندا قاتىسۋشىلار تاراپىنان سۇراقتار قويىلىپ، ناقتى ۇسىنىستار ايتىلدى.
وتىرىستى قورىتىندىلاعان كەڭەس توراعاسى جاستار – ەل بولاشاعى ەكەنىن، ولاردىڭ باستامالارىن قولداۋ – مەملەكەتتىك ساياساتتىڭ باسىم باعىتى ەكەنىن اتاپ ءوتتى.
