ساتباەۆ قالاسىنداعى جاعداي تۇراقتاندى. بۇل تۋرالى دەپ قاراعاندى وبلىسى اكىمدىگىنىڭ ءباسپاسوز قىزمەتى حابارلادى. تۇندە بەس جاسار قىزدى ۇرلادى دەگەن كۇدىكپەن ەر ادام قاماۋعا الىنعاننان كەيىن جاپپاي تارتىپسىزدىك باستالعان بولاتىن.
"قازىرگى ۋاقىتتا قالاداعى جاعداي تىنىشتالدى، كۇدىكتىنى پوليتسەيلەر قاماۋعا الدى. تۇرعىندار تارادى. ساتباەۆقا وبلىس اكىمى كەتتى. قۇقىق قورعاۋ ورگاندارى بۇل جاعدايدى ءادىل تەرگەۋگە بار كۇشىن سالادى. حالىقتان ءتۇرلى ارانداتۋشىلىققا بوي الدىرماۋدى سۇرايمىز", - دەپ حابارلادى وبلىس اكىمى ءباسپاسوز قىزمەتىنىڭ باسشىسى مارينا شاپوۆالوۆا.
ول سونىمەن قاتار قالالىق پوليتسيا عيماراتىنىڭ جانىندا اۆتوكولىكتەرگە ءورت قويىلعانىن دا ايتتى. شىعىن كولەمى قازىرشە بەلگىسىز.
ەسكە سالا كەتەيىك، قالادا 23-ءشى شىلدە كۇنى كەشكە جوعالىپ كەتكەن بەس جاسار قىز بەيتانىس ەركەكتىڭ پاتەرىنەن تابىلعاننان كەيىن تارتىپسىزدىك باستالعان بولاتىن.
قىزدى پوليتسەيلەر مەن ەرىكتىلەر ءتۇنى بويى بۇكىل قالادان ىزدەدى. بالا تابىلعاننان كەيىن كۇدىكتى تۇرىپ جاتقان ءۇيدىڭ قاسىنا ءبىر توپ ادام جينالىپ، كۇدىكتىنى وزدەرى جازالاۋ ءۇشىن ونى قولدارىنا بەرۋدى تالاپ ەتتى. اشۋعا بۋلىققان ولار بارلىق پاتەردىڭ ەسىگىن قاعىپ شىققان
اشۋى تاراماعان ادامدار قالا اكىمدىگىنىڭ عيماراتىنا جينالدى. ساتباەۆ قالاسىنا ۇلتتىق ۇلان كۇشتەرى تارتىلدى.
قالا بيلىگى بالانىڭ اناسىنىڭ جانىندا ەكەنىن حابارلاپ، تۇرعىنداردى ارانداتۋشىلىققا بوي الدىرماۋعا شاقىردى.
فوتو ERNUR.KZ.
