بۇگىن اقپاراتتىق-كوممۋنيكاتسيالىق ورتالىعىندا كارانتين كەزىندەگى شەكتەۋ شارالارىنىڭ ەنگىزىلۋىنە بايلانىستى تابىسىنان ايىرىلعان ازاماتتارعا بىرجولعى الەۋمەتتىك تولەم (42500 تەڭگە) تاعايىنداۋعا بايلانىستى ونلاين-بريفينگ ءوتتى.
ءباسپاسوز ماجىلىسىنە جانات وتەباەۆا، شىمكەنت قالاسى مەملەكەتتىك ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆ جانە شىمكەنت قالاسى بويىنشا «مەملەكەتتىك الەۋمەتتىك ساقتاندىرۋ قورى» اق فيليالىنىڭ ديرەكتورى باۋىرجان وسپانوۆ قاتىستى.
بريفينگتە ءسوز العان شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى جانات وتەباەۆا اعىمداعى جىلدىڭ شىلدەسىندە كارانتين كەزىندە تابىسىنان ايىرىلعان ازاماتتارعا بىرجولعى تولەم تاعايىنداۋ بارىسىن باياندادى.
- وتىنىمدەردى egov.kz – ۆەب-پورتالى، 42500.enbek.kz پورتالى، telegram-bot-تار، Aitu مەسسەندجەرىندەگى 42500.enbek.kz قوسىمشاسى جانە دە ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت-رەسۋرستارى ارقىلى بەرۋگە بولادى. وتىنىشتەر 2020 جىلدىڭ 1 قىركۇيەگىنە دەيىن قابىلدانادى. تولەم شىلدە ايىنا عانا تولەنەدى. ءوتىنىشتى جالدامالى جۇمىسكەر ەمەس جۇمىس بەرۋشى تاراپىنان بەرىلەدى. بۇگىنگى كۇنگە شىمكەنت قالاسى بويىنشا 105 821 ءوتىنىش تۇسكەن، ونىڭ ىشىندە 100 504 ءوتىنىش بويىنشا تولەمدەر تاعايىندالىپ، تولەنگەن، - دەدى جانات ومىرسەيىتقىزى.
ايتا كەتسەك، بىرجولعى تولەم كەلەسى ساناتتارعا جۇزەگە اسىرىلادى:
1) جالاقىسى ساقتالمايتىن دەمالىستا جۇرگەن قىزمەتكەرلەرگە;
2) جەكە كاسىپكەرلەرگە;
3) جەكە پراكتيكامەن اينالىساتىن ادامدارعا;
4) نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن جەكە تۇلعالارعا;
5) بىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا (بۇدان ءارى – بجت تولەۋشى).
سونىمەن بىرگە، جالدامالى جۇمىسشى، جەكە كاسىپكەرلەر، سونىڭ ىشىندە بجت-نى تۇراقتى تولەۋشىلەر (اي سايىن) بولىپ تابىلاتىن مۇگەدەكتەر، ستۋدەنتتەر، ەگەر ولار شەكتەۋلەرگە بايلانىستى تابىستارىنان ايىرىلسا، بىرجولعى تولەم الۋعا قۇقىلى.
شىمكەنت
