Búgin aqparattyq-kommýnıkaııalyq ortalyǵynda karantın kezindegi shekteý sharalarynyń engizilýine baılanysty tabysynan aıyrylǵan azamattarǵa birjolǵy áleýmettik tólem (42500 teńge) taǵaıyndaýǵa baılanysty onlaın-brıfıng ótti.
Baspasóz májilisine Janat Ótebaeva, Shymkent qalasy Memlekettik eńbek ınspekııasy basqarmasynyń basshysy Baýyrjan Qaljanov jáne Shymkent qalasy boıynsha «Memlekettik áleýmettik saqtandyrý qory» AQ fılıalynyń dırektory Baýyrjan Ospanov qatysty.
Brıfıngte sóz alǵan Shymkent qalasy Jumyspen qamtý jáne áleýmettik qorǵaý basqarmasy basshysynyń orynbasary Janat Ótebaeva aǵymdaǵy jyldyń shildesinde karantın kezinde tabysynan aıyrylǵan azamattarǵa birjolǵy tólem taǵaıyndaý barysyn baıandady.
- Ótinimderdi egov.kz – veb-portaly, 42500.enbek.kz portaly, telegram-bot-tar, Aitu messendjerindegi 42500.enbek.kz qosymshasy jáne de ekinshi deńgeıdegi bankterdiń mobıldi qosymshalary men ınternet-resýrstary arqyly berýge bolady. Ótinishter 2020 jyldyń 1 qyrkúıegine deıin qabyldanady. Tólem shilde aıyna ǵana tólenedi. Ótinishti jaldamaly jumysker emes jumys berýshi tarapynan beriledi. Búgingi kúnge Shymkent qalasy boıynsha 105 821 ótinish túsken, onyń ishinde 100 504 ótinish boıynsha tólemder taǵaıyndalyp, tólengen, - dedi Janat Ómirseıitqyzy.
Aıta ketsek, birjolǵy tólem kelesi sanattarǵa júzege asyrylady:
1) jalaqysy saqtalmaıtyn demalysta júrgen qyzmetkerlerge;
2) jeke kásipkerlerge;
3) jeke praktıkamen aınalysatyn adamdarǵa;
4) nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar boıynsha tabys tabatyn jeke tulǵalarǵa;
5) biryńǵaı jıyntyq tólemdi tóleýshiler bolyp tabylatyn jeke tulǵalarǵa (budan ári – BJT tóleýshi).
Sonymen birge, jaldamaly jumysshy, jeke kásipkerler, sonyń ishinde BJT-ny turaqty tóleýshiler (aı saıyn) bolyp tabylatyn múgedekter, stýdentter, eger olar shekteýlerge baılanysty tabystarynan aıyrylsa, birjolǵy tólem alýǵa quqyly.
Shymkent
