جۇما كۇنى اقش قىتايعا تەحاس شتاتىنىڭ حيۋستون قالاسىنداعى كونسۋلدىعىن جابۋدى بۇيىردى. پەكين بۇل جاعدايدى «ساياسي ارانداتۋ» دەپ سيپاتتادى.
اقش-تىڭ مەملەكەتتىك حاتشىسى مايك پومپەو بۇل شەشىم قىتايدىڭ زياتكەرلىك مەنشىكتى «ۇرلاپ جاتقاندىعىنا» بايلانىستى قابىلدانعانىن ايتتى.
قىتايدىڭ سىرتقى ىستەر مينيسترلىگى Twitterگە جازىلعان بۇل ارەكەتتى ايىپتاپ، ۆاشينگتونداعى ەلشىلىگىندە دە قاۋىپتى قورقىتۋشىلىق بولعانىن مالىمدەدى.
بۇعان دەيىن حيۋستون عيماراتىنىڭ اۋلاسىنداعى قوقىس جاشىگىنە بەلگىسىز ادامدار قاعاز جاعىپ جاتقانىن تۇسىرگەن.
ءبىراز ۋاقىتتان بەرى اقش پەن قىتاي اراسىندا شيەلەنىستەر ءورشىپ كەلەدى. پرەزيدەنت دونالد ترامپتىڭ اكىمشىلىگى بەيجىڭمەن ساۋدا جانە كوروناۆيرۋستىق پاندەمياعا قاتىستى بىرنەشە رەت شيەلەنىس جاسادى، سونىمەن بىرگە، قىتاي گونكونگقا قاۋىپسىزدىك تۋرالى داۋلى جاڭا زاڭ قابىلداعانىنا دا قاتىستى ءسوز كوزعالعان ەدى.
سودان كەيىن سەيسەنبىدە اقش ادىلەت مينيسترلىگى قىتايدى كوۆيد-19 ۆاكتسينالارىن جاسايتىن زەرتحانالارعا باعىتتالعان حاكەرلەرگە دەمەۋشىلىك جاسادى دەپ ايىپتادى. اقش-تىڭ زەرتتەۋ كومپانيالارىنا تىڭشىلىق جاساعان جانە باسقا ۇرلىق ءۇشىن مەملەكەتتىك اگەنتتەردەن كومەك العان ەكى قىتاي ازاماتىنا ايىپ تاعىلدى.
سارسەنبىدە وتكەن ءباسپاسوز كونفەرەنتسياسىندا ترامپ مىرزا قىتاي كونسۋلدىقتارىنىڭ كوبىن جابۋعا بۇيرىق بەرەتىنى «ارقاشان مۇمكىن» دەپ مالىمدەدى.
ۆۆس اقپارات اگەنتىنەن
اۋدارعان: ناعيما بازارقىزى،
"ادىرنا" ۇلتتىق ارناسى
