Juma kúni AQSh Qytaıǵa Tehas shtatynyń Hıýston qalasyndaǵy konsýldyǵyn jabýdy buıyrdy. Pekın bul jaǵdaıdy «saıası arandatý» dep sıpattady.
AQSh-tyń Memlekettik hatshysy Maık Pompeo bul sheshim Qytaıdyń zııatkerlik menshikti «urlap jatqandyǵyna» baılanysty qabyldanǵanyn aıtty.
Qytaıdyń syrtqy ister mınıstrligi Twitterge jazylǵan bul áreketti aıyptap, Vashıngtondaǵy elshiliginde de qaýipti qorqytýshylyq bolǵanyn málimdedi.
Buǵan deıin Hıýston ǵımaratynyń aýlasyndaǵy qoqys jáshigine belgisiz adamdar qaǵaz jaǵyp jatqanyn túsirgen.
Biraz ýaqyttan beri AQSh pen Qytaı arasynda shıelenister órship keledi. Prezıdent Donald Tramptyń ákimshiligi Beıjińmen saýda jáne koronavırýstyq pandemııaǵa qatysty birneshe ret shıelenis jasady, sonymen birge, Qytaı Gonkongqa qaýipsizdik týraly daýly jańa zań qabyldaǵanyna da qatysty sóz kozǵalǵan edi.
Sodan keıin seısenbide AQSh ádilet mınıstrligi Qytaıdy Kovıd-19 vakınalaryn jasaıtyn zerthanalarǵa baǵyttalǵan hakerlerge demeýshilik jasady dep aıyptady. AQSh-tyń zertteý kompanııalaryna tyńshylyq jasaǵan jáne basqa urlyq úshin memlekettik agentterden kómek alǵan eki Qytaı azamatyna aıyp taǵyldy.
Sársenbide ótken baspasóz konferenııasynda Tramp myrza Qytaı konsýldyqtarynyń kóbin jabýǵa buıryq beretini «árqashan múmkin» dep málimdedi.
VVS aqparat agentinen
aýdarǵan: Naǵıma Bazarqyzy,
"Adyrna" ulttyq arnasy
