كەڭەسشىدەن كەتىپ، مينيستر تاعىنا جايعاستى

4058

قازاقستان رەسپۋبليكاسى تسيفرلىق دامۋ، يننوۆاتسيا جانە اەروعارىش ونەركاسىبى ۆيتسە-ءمينيسترى بولىپ باعدات مۋسين تاعايىندالادى. بۇعان دەيىن اسقار جۇماعاليەۆ وسى  مينيسترلىكتەن  بوساتىلعان.

مەملەكەت باسشىسى باعدات ءمۋسيندى قر پرەزيدەنتىنىڭ تسيفرلاندىرۋ جانە يننوۆاتسيالىق تەحنولوگيالار جونىندەگى كەڭەسشىسى قىزمەتىنەن بۇگىن عانا بوساتقان. باعدات مۋسين وسىلايشا ەلىمىزدەگى ەڭ جاس مينيستر مينيستر اتانىپ وتىر.

 

باعدات مۋسين 1983 جىلى 3 ناۋرىزدا پاۆلودار وبلىسىندا دۇنيەگە كەلگەن. سۇلەيمەن دەميرەل اتىنداعى ۋنيۆەرسيتەتتى جانە قازاق قۇقىقتانۋ جانە حالىقارالىق قاتىناستار ينستيتۋتىن تامامداعان.

2011 جانە 2012 جىلدار ارالىعىندا قر بام مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ ورىنباسارى بولعان.

2012 جىلدان باستاپ قر كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتەردى اۆتوماتتاندىرۋدى باقىلاۋ جانە حقو قىزمەتىن ۇيلەستىرۋ كوميتەتى توراعاسىنىڭ لاۋازىمىن اتقارعان.

2014 جىلدىڭ ساۋىرىندە "ۇلتتىق اقپاراتتىق تەحنولوگيالار" اق باسقارما توراعاسى بولىپ تاعايىندالدى.

ال 2017 جىلى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىن باسقارىپ،  2018 جىلى بۇل  قىزمەتىمەن قوش ايتىستى. كەيىنىرەك  BI Group كومپانياسىنا جۇمىسقا ورنالاستى.

سونداي-اق، بۇگىن پرەزيدەنت كەڭەسشىسى لاۋازىمىنان ەكونوميست ولجاس قۇدايبەرگەنوۆ تە كەتكەن ەدى.

جاسۇلان ءناۋرىزالى،

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى